Sipolay 7:3 - Seysyo No Tao

³ Si Mocisete rana am abo do vakong o domket a ngaran no ama na kano ina na. So icyakman da sang no iteytetngehan da. So ji da nimapadkeci so araraw no cinatazak na kano cinawakwak na. So icyakma dey meyyangay a kano Anak ni Ama ta do to a mapatanatanang so nakem a mangay do kaidan no karawan.

Sipolay 7:3 Kruisverwysings

Matay 4:3

Ori o nyangay ni Satan ji Yeso. Maniring jya am, “No ka manoyong a Anak no Tao do to am pancyan pala o aro a vato a kapeyvaliw na a myanpaw.”

Sipolay 4:14

Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

Sipolay 7:1

O meyngaran so Mocisete am panirsirngen da no Saleng. Iya ori am panirsirngen da no mapatanatanang nira so nakem da ji Ama ta do to. Teyka na sira balinasen ni Apolahan o apat a ka panirsirngen am meysinaoli rana. Meyratateng am rapongen na no meyngaran so Mocisete a kapanlanlag na nya.

Sipolay 7:17

Ta maniring do Seysyo am, “Imo rana am mapatanatanang ka so nakem no tao a mapasyasi nira jyaken a mangay do kaidan no karawan, akman si Mocisete.”

Sipolay 7:2

O ineynahap ni Apolahan a apzapzatan no kapeyyarap da am pasinahen na o asa vovonongan a itoro ji Mocisete. O peypeypangayan no ngaran ni Mocisete am “Ji mapeycyakaban so tao a panirsirngen”. Ikongo do panirsirngen da no Saleng, am ori o pancyan da no ngaran na a “Ikapiya no onowned no tao a panirsirngen”.

Sipolay 7:6

Am tana ji macitetngehan si Mocisete ji Diwey am macivonong do ineynahap ni Apolahan so asa vovonongan a kapanlanlag na ni Mocisete si Apolahan a omamoon so mina ciring na jya ni Ama ta do to.