Sipolay 4:16 - Seysyo No Tao

¹⁶ Am ori an, ji tamo a mogawi a omasngen do tangain ni Ama ta do to a omahap so itoro na jyaten a pangangasyan na kano pangangarilawan na a isidong ta so kataotao ta no makasazi ta so alalaw ta.

Sipolay 4:16 Kruisverwysings

Ivoso 2:18

Na peyyanowanopen yaten ni Kizisto a tao do Yotay a kano beken a tao do Yotay, akmey asa so onowned do tangain na ni Ama ta do to a yana sidongen no Seyzi.

Ivoso 3:12

Am ori o ji ta na nyahei a mangay do tangain na ni Ama ta do to, do kapeyhanhan ta ni Kizisto.

Sipolay 13:6

Am ori o ji ta rana nyahey a manci no, “Ko jyavokahaw. Ta na sidongen yaken ni Ama ta do to. Kongwen da yaken no tao.”

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Sipolay 7:19

Am cyaha, ta yarana myan so yapyapya pa hanhan ta a mapanop jyaten ji Ama ta do do. Iya rana am si Yeso Kizisto.

Sipolay 7:25

Am ori o yana ikanoyong a yamakasidong so yaomanop ji Ama ta do to a tao, do yana kato meyyonongan a mavyay a yamapasyasi nyaten ji Ama ta do to.

Sipolay 9:5

O teyngato no kavangan am amyan dang so akmey tinsi a nyamaog no ovay a ngaranan da keloping. O peypeypangayan no nang am peydednan ni Ama ta do to. O panid no keloping ori am mavezay a ombonbon do pangapangayan da so rala no kagling a kano baka a ivonas so raraten no tao. O makakaday rana vazay am ji to mimin a ipanci sicyaikwaya.

1 Pite 2:10

No kakwa am beken a italamozong na inyo ni Ama ta do to. Am sicyaikwaya am na rana italamozong inyo. No kakwa am ji nyo a tenngi o pangangasyan ni Ama ta do to. Am sicyaikwaya am nyo na nimahap o pangangasyan na.