Sipolay 2:9 - Seysyo No Tao

⁹ Am o akman sang a vazay am nimangononong rana do mina katazak na tao ni Yeso a yamaveveveh pa kano tinsi. Am jya nimeyyonownay. Na pangozain ni Yeso o pangangasyan ni Ama ta do to so tao do karawan a mawakwak no raraten ta. So nipantan na nya ni Ama ta do to so azwazway na.

Sipolay 2:9 Kruisverwysings

Matay 16:28

To ko na macitangayan jinyo am o tao a yatomanek do jya am amyan jira ang so makapis pa jyaken a Nipamnekan na ni Ama ta do to a tao a mai a tomalamozong no karawan, do ikamavyay da pa.”

Matay 6:28

“Ikongo nyo kalawan no ayob nyo. Cita kamo pala o vonitan do takey. Ta yaji meyvazay a yaji ninon so ayob na.

Make 9:1

“To ko na macitangayan jinyo am o yameytatanek do jya tao am amyan jira so makapis pa so azwazway na ni Ama ta do to a meygegcin do karawan do ikamavyay da pa.”

Locya 9:27

Ko pa ipanci jinyo am inyo rana yameytatanek do jya am amyan jinyo so makapis pa so sang a mavyay pa tao. So ipakacittan nyo so talamozongan na ninyo ni Ama ta do to.”

Yowani 1:29

Ikadwa na araw am macita ni Yowani si Yeso a mai. Maniring si Yowani am, “Oya rana am akmey kagling a nitovoy na ni Ama ta do to a omahap so tao do peyraratenan da.

Yowani 10:17

“Ikarilaw na yaken ni Ama. Ta ko ji macimamman o kangay ko no inawan nira. O ikakman na sang am meysinaoli pa jyaken o inawan ko.

Yowani 12:32

No si padketen da rana yaken do jyojika keypirwa ko na a mavyay am panopen ko o aro a tao do karawan.”

Yowani 3:16

Yatey rako na karilawan no tao do karawan ni Ama ta do to. Mangay do na veyvowen a Anak na o yana nitoro. So ikamimin da no omanoyong jya tao a ji rana meydednai no peyoyaoyyan na ni Ama ta do to, ta mahap da rana o to meyyonong a ikavyay no pahad da.

Yowani 8:51

To ko na macitangayan jinyo am o mahap so nanao ko am to meyyonong o akman sang a tao a ji rana wakwak.”

Yowani 8:52

Maniring sira o tao do Yotay jya am, “Namen rana katenngan imo a yakovotan. Yarana nimawakwak si Apolahan a kano panoyonoywan na so ciring ni Ama ta do to. Am no ka maniring am, ‘O mahap so nanao ko am to meyyonong o akman sang a tao a ji rana wakwak.’

Nimlivolivon 2:33

So na rana nipeycyakavat a yamyan do wanan na ni Ama ta do to a yamahap so itoro na jya ni Ama ta do to a Seyzi. O nyo macita rana kano nyo mamizing sicyaikwaya am mamimin a yapo do oyowyat na no Seyzi a na nitoro ni Ama ta do to.

Nimlivolivon 3:13

Beken a yamen ori. Ta si Ama ta do to a yada iraralay no ineynapo ta si Apolahan a kani Isa kani Yakebo o niomiwakwak jya. So ikanoyong na mazway ni Yeso. Iya rana am nitoro nyo do aro a panipanirsirngen a karaherahet nyo sya do tangain ni Pilato. Pasawain na ni Pilato am ji nyo mya.

Loma 5:18

So ikanoyong na no raraten na ni Adam a yapwan no kapeydedna no oyaoyyan na ni Ama ta do to do tao do karawan. Akman sang, ta o kapyapya na ni Kizisto am ikamimin no meyhanhan nya tao a mavonas rana so raraten a ipakahap da rana so to meyyonong a ikavyay no pahad da.

Loma 5:8

Am no kapeyraraten ta pa am nikawakwak na yaten ni Kizisto. Ori rana am yongkad na ori ni Ama ta do to, do na karilaw nyaten.

Loma 8:3

O iwawalam na ni Moyse am ji na sidong yaten a komaro do peyraratenan ta. Ta cinatao ta o kapeyraraten ta. Am si Ama ta do to am ori o yanisomidong jyaten. Na nitovoy o Anak na a yamacingay so keyteytawan do tao do karawan a yanimawakwak no raraten ta. So ji na rana nalamozongi nyaten no raraten.

Loma 8:32

Kakwakwan no Anak na yana ji ingbeywani a yana nitoro a mawakwak nyaten. Ney manngo rana o yamakakaday a kakzeben ta no nakem. Ta jyabo o na ingbeywan jyaten a.

2 Kedinto 5:15

Na nikawakwak ni Yeso o tao do karawan. Ori o ji ta to mangozai do aktokto ta. Ta pangozayan ta si Yeso Kizisto a nimawakwak no raraten ta a kapirwa na rana mavyay.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

Cyalatay 4:4

Am marateng rana o araraw a nipamnekan na ni Ama ta do to am tovoin na rana o Anak na alavaten no asa ka mavakes a italamozong no iwawalam ni Moyse.

1 Timotay 2:6

Apyapyahen na pa o kataotao na a mawakwak, a omalit do oyaoyyan na nyaten ni Ama ta do to a meyraraten a tao. O akman rana sang a vazay am nipeyvazay na rana ni Yeso a yongkad na ni Ama ta do to a ji mamyapya no tao do karawan a mangay do kararatan.

Sipolay 1:9

O yapya vazay o mo ikakza. Mo ikaoya o malas a vazay. Am ori an, na ika yaken a Tao do to mo no yanimamnek jimo a yanimanta nimo so azwazway mo a kano sarasaray mo. So da ikabo no kararay mo a makahap jimo.”

Sipolay 10:5

Am ori an, pancyan na nya ni Kizisto ji Ama ta do to no kai na do teyrahem, “Mo jyakzan o yapatanangen a kagling a kano makakaday a nakem a patanangen jimo. Ta yamo rana nipanta yaken so kataotao a mahap so vazay mo.

Sipolay 11:5

Si Inok rana am jya nimawakwak, ta mina to meytopos a nyahap na ni Ama ta do to, do kapeyhanhan na nya. So ji da rana nimakakalai sya no tao. Maniring do Seysyo am, “No kaji na pa ngapan sya ni Ama ta do to am nimanmanma o kasaray na nya ni Ama ta do to.”

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Sipolay 2:7

No kamaog mo sira am maveveveh pa sira kano tinsi. Am kanisomakop mo jira no azwazway mo,

Sipolay 7:25

Am ori o yana ikanoyong a yamakasidong so yaomanop ji Ama ta do to a tao, do yana kato meyyonongan a mavyay a yamapasyasi nyaten ji Ama ta do to.

Sipolay 8:3

O vazay da no panipanirsirngen no mapatanatanang so nakem ji Ama ta do to no kakwa am patanangen da o nakem da a sarayan da ni Ama ta do to, a kapatanang da so rala no kagling a kano baka a ivonas da so raraten da. So icyakman na sang ni Yeso a mapatanang ji Ama ta do to.

1 Pite 1:21

Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.

1 Yowani 2:2

Nimawakwak si Kizisto a omvonas so raraten ta. Am beken a yatehen, ta kazagoman no tao do karawan.

Ipaziman 19:12

O mata na am akma raney lila no apoy. O oo na am meysakop so aro a sakop no panirsirngen. Amyan so nivatvatkan do kataotao na a ngaran am abo tao a makateneng do peypeypangayan na. Ta iya o makateneng jya.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.