Sipolay 2:3 - Seysyo No Tao

³ No yamanoyong o akman sang am no si to ta nazibwan si Ama ta do to a mapatazadang jyaten do teyngato am makongo ta tomayo no peyoyaoyyan na ni Ama ta do to. Ta nipeylimwang na rana jyaten ni Yeso a Panirsirngen ta o kavyay na jyaten ni Ama ta do to. So nipancyan da rana nya jyaten no nimakamizing sya tao.

Sipolay 2:3 Kruisverwysings

Matay 23:33

Inyo rana yakmey katonodan no tokza am jyabo kapakaliklik nyo so pasingsingtan na jinyo ni Ama ta do to do kararatan a.

Matay 4:17

Nimyapo no kanang o kapeylimwang na rana ni Yeso no nanao na. Maniring am, “Karwan nyo o peyraratenan nyo, ta yarana makeykai o yana katalamozong ninyo ni Ama ta do to.”

Make 1:14

Aneban da si Yowani am mangay si Yeso do Cyadidi a meylimwang no Mapasaray a Ciriciring na ni Ama ta do to.

Locya 1:2

O nivatvatkan da am nipayapo da do nimacita da vazay ni Yeso a kano nimamizing da ciriciring da no nimeylimwang nya.

Locya 24:19

Maniring si Yeso am, “Ikongo a vazay.” Maniring sira am, “Vazay na ni Yeso a tao do Nasale. Iya rana am panoyonoywan na so ciring ni Ama ta do to, tey mowyat so ciriciring do tangain ni Ama ta do to a kano aro a tao.

Yowani 15:27

Akman kamo sang a meylimwang nyaken. Ta nimeycicinda kamo a nimacihza jyaken no kavavayo ko pa mangnanao.

Nimlivolivon 2:22

Maniring pa si Pite am, “Inyo rana Isedi a tao a keylyan ko am amizngen nyo o ciring ko an. Ta si Yeso rana tao do Nasale am nitovoy na ni Ama ta do to. Oyowyat na kano mapeyzokab a vazay na rana ni Yeso am yongkad na ori do mina katovoy na sya ni Ama ta do to. So nyo ipakateneng do akman sang a vazay. Ta mina vazay na ya do tangain nyo an.

Nimlivolivon 4:12

Si Yeso o mapatazadang jyaten do teyngato. So ikabwata no ikararwa na do karawan a nitovoy na ni Ama ta do to a mapatazadang jyaten.”

Loma 11:14

Ala ikeynanahet da yaken no tao do Yotay a kasina ko no inawan. Am cyaha, ta ipakasidong na so karwan da a kaji na meydednan jira no peyoyaoyyan na ni Ama ta do to.

Loma 2:3

O nyo raten a vazay da no tao am ori o nyo peyvazain. Am makatayo ka do peykapyapinpinan na rana so tao ni Ama ta do to?

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

1 Tesalonicya 5:3

No si maniring o tao am, “Cyaha, ta tanyo apiya,” am jyakman sang, ta jyaziman o alalaw a makaranes a ombalinas sira, akman so meyrehrehmet a mavakes a ji rana makatayo do alalaw na.

1 Timotay 1:15

Yamanoyong o ciring eya an. Inaoy no si mamimin o tao a omahap so sya. Nimai si Yeso Kizisto do teyrahem a mahap so meyraraten a tao. Yaken rana am ney rako o raraten ko.

Tito 2:11

Peyvazain ta o yamakakaday ang. Ta yarana mapengkad o pangangarilawan na ni Ama ta do to a mapatazadang jyaten a tao do karawan.

Sipolay 1:1

No kakwa pa am masangib si Ama ta do to a somapasapa so pazyazimanan na so ciriciring na do ineynapo ta. O ciriciring na rana am patwawen da no panoyonoywan na so ciring ni Ama ta do to.

Sipolay 1:14

Ikongo o tinsi. Sira rana am na kalamsoyan sira ni Ama ta do to a somidong so yarana makahap so to meyyonong a ikavyay no pahad da tao.

Sipolay 1:2

Am sicyaikwaya am o Anak na ni Ama ta do to o nimapatwaw so ciriciring na jyaten. Si Yeso o nimangamamaog so karawan no ciring na ni Ama ta do to. So nitorwan na ni Ama ta do to no makakaday do karawan eya a italamozong ni Yeso.

Sipolay 12:25

Am makapzat kamo. Ji nyo to nazibwan o ciriciring na ni Ama ta do to amnanao jinyo. Sira rana ya a to nazibo no yanipeylimwang ni Moyse a ciriciring na ni Ama ta do to am abo taywan da do peyoyaoyyan na ni Ama ta do to. No si to ta nazibwan o ciriciring na ni Ama ta do to a yapo do teyngato am teywara rana o raraten ta.

Sipolay 4:1

Am ori o naknakman nyo so kato nyo ngotokotan so nakem a omanoyong ji Ama ta do to. Ta no si ji kamo manganoyong am ji kamo macikaop ji Ama ta do to.

Sipolay 4:11

Am ori o ikowyowyat ta pa a omonot do ciriciring na ni Ama ta do to. Ta ori o ipacikaop ta ji Ama ta do to. Sino ka paro a ominara so ji nganoyong do ciriciring na ni Ama ta do to a tao a yatey marahet so vazay.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

1 Yowani 1:1

Namen padketen do teygami eya o Ciring a yapwan no to meyyonong a ikavyay no pahad. Ori rana am Ciring na ni Ama ta do to a nimeycicinda a nimyan no kakwa. Nimamizing namen rana o ciring na. Nimacita namen rana ori. So na ikanoyong no kanimakacita namen sya do kanimacihza namen jya no keyyan na do teyrahem. Iya rana am si Yeso Kizisto.

Yota 1:17

Am manga keypong, ji nyo a hamangi o ciring da no nipamnekan ni Yeso Kizisto a Panirsirngen ta a amlivolivon no ciriciring na.

Ipaziman 7:10

Maniring sira amlololos am, “Isaray ta si Ama ta do to a omlisna do lilisnan a kano Kagling, ta sira o mapatazadang jyaten.”