Sipolay 13:3 - Seysyo No Tao

³ Manakem nyo sira o yamyan do pamemtengan a tao. Ta akma kamoy to macizanod jira aptengen da. Manakem nyo sira o peyrarehten da a tao. Ta akma kamoy to macizanod jira a peyrarehten da.

Sipolay 13:3 Kruisverwysings

Matay 25:36

No kabo no ayob ko am nipanta nyo yaken so ayob. No keyngen ko am nipeyveyveken nyo yaken. No kapteng da jyaken am nimai kamo a meyminaminasi nyaken.’

Matay 25:43

No kapangilili ko am ji nyo nitaotao yaken do vahay nyo. No abo ayob ko am ji nyo nipanta yaken so ayob ko. No keyngen ko a no kapteng da jyaken am ji kamo nimai a meyminaminasi nyaken.’

Nimlivolivon 24:23

Karahan am ipanci na o itaysang a amzat ji Pawlo a kapya da so kagagan na tomazogaw nya. So ji da nimvaoji pa sya no kanang.

Nimlivolivon 27:3

Ikadwa na araw am makaranes namen do Siton. Ikongo do ikaglaw na si Pawlo ni Sodian, am ori o nipya na sya makarala a komala so kagagan na.

Loma 12:15

Macikasaray kamo do somaray a tao. Macikalavi kamo do amlavi a tao.

1 Kedinto 12:26

No myan so meyngen do kataotao am todamimin o kataotao a meyngen. No myan so azwazway no asa ka kakamay ta am todamimin o kataotao ta a masaray.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Kelosi 4:18

Yaken rana am si Pawlo ko. Ko meyvatvatek so yako peyminaminasyan ninyo. Ji nyo a hamangi yaken a da aptengen an. Inaoy si mangay jinyo o pangangarilawan na ni Ama ta do to.

Sipolay 10:34

Akma kamoy to macizanod so alalaw do paneban da tao. No katakaw da so kangangay nyo a nyahap no tao am mina to nyo peykabobwa do onowned nyo. Ta katenngan nyo o kapakahap nyo so apyapya pa a peymeymasaodan nyo do teyngato.

Sipolay 11:37

Amyan so tao a nibhebhesan da nimawakwak. Amyan so nigetget da nipeyketeb so kataotao. Amyan so nizakat da no ipangan. Amyan so meyyayob so kolit no kagling a vovwan da limanen a paksozen. So to da liliwi so kakcinan da kano peyrarehtan da sira pakakasin.

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.