Sipolay 13:2 - Seysyo No Tao

² Taotawwen nyo sira o tao do teyhesa ka ili do vahay nyo. Ta nimyan so tao a nimanaotao so tao do teyhesa ka ili am ji na tentenngi ka tinsi na no nitaotao na.

Sipolay 13:2 Kruisverwysings

Matay 25:35

Ta no kakcin ko am nipakan nyo yaken. No kawaw ko am nipeyyop nyo yaken. No kapangilili ko am nitaotao nyo yaken do vahay nyo.

Matay 25:40

Maniring o Panirsirngen am, ‘To ko na macitangayan jinyo am no manidong kamo so akma nyoy kakteh do cinai a ipangoyongoyod no tao am kataotao ko na sira ori.’

Matay 25:43

No kapangilili ko am ji nyo nitaotao yaken do vahay nyo. No abo ayob ko am ji nyo nipanta yaken so ayob ko. No keyngen ko a no kapteng da jyaken am ji kamo nimai a meyminaminasi nyaken.’

Nimlivolivon 16:15

Teyka namen a taktakan o mavakes ori a kano macivahay jya tao am maniring jyamen am, “No si milamdam nyo yaken so onowned a yameyngongyod a omanoyong ji Yeso am mai kamo a misan do vahay ko an.” So nitaidan na jyamen a peysanen.

Loma 12:13

Sidongen nyo sira o makasi a tao a akma nyoy kakteh do cinai. Taotawwen nyo sira o minangilili a tao.

Loma 16:23

O yako pacivahayan a meyngaran so Cyayo a yamrara so sinjya a yameynozi do vahay da am yakman sang a yameyminaminasi ninyo. Si Ilato a yatomalamozong no nizpi do keymiminili namen ya kani Kose am yakman sang sira yameyminaminasi ninyo.

1 Timotay 3:2

O tomalamozong rana no kyokay am abo oyaoyyan da nya no tao an. Asa o katovong na do vahay. Ji na peyzavozavoza o vazay na. So apzatan na do kataotao na, katwatonton na so vazay na. Ikanig na o icyatatao na, kasaray na manaotao so apo do teysa ka ili a tao a kateneng na mangnanao so tao,

1 Timotay 5:10

Katenngan da no tao apya so vazay, makananao so anak na, mateneng a manaotao so apo do teysa ka ili a tao. Ji mapahama so nakenakem, kasidong na so amyan so alalaw a tao a kowyat na mahap so apya vazay.

Tito 1:8

Isaray na o kapanaotao na so tao. Isaray na o kapanidong na so tao. Apzatan na o onowned na, kapiya na no icicirawat na. Akmey mazngang o onowned na a ji nala so nakenakem.

1 Pite 4:9

Masaray kamo a tomaotao so omatao jinyo a tao. Taosya o kaoya nyo so aktokto a amrapong sira.

3 Yowani 1:5

Mo keypong, yatey makdeng o nakenakem mo a yamahap so vazay no akma moy kakteh do cinai. Tana kadwan lili am yakman sang o nakem mo sira.