Sipolay 11:1 - Seysyo No Tao

¹ O ipanganoyong rana ya am ipeyhanhan o vazay a ipeynanakem. O peypeypangayan no nang am anoyngan o kanoyong na myan no ji pa nimacita.

Sipolay 11:1 Kruisverwysings

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

1 Kedinto 13:13

Am o panganoyngan ta kano sarasaray ta no makwa kano pangangarilawan am to meyyonong. Am ney makdeng na pa am pangangarilawan do yameykatlo ang.

2 Kedinto 11:17

O ciring ko na sicyaikwaya am beken a si Yeso Kizisto o yamapahanhan jyaken a yamanci nya. Ta monganay jyaken a mapazway so kataotao ko.

2 Kedinto 4:18

Namen jyakzan o macimalag do mata namen a monganay do karawan. Ta namen ikeykakza o yajyacita no mata. Ta ori rana am ji meyyonownay ori. Am o yajyacita no mata am to meyyonong ori.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

2 Kedinto 5:7

Tana ta jyacita no mata ta si Ama ta do to am ta ipeyhanhan sicyaikwaya a mangononong do ciriciring na.

2 Kedinto 9:4

No si myan so tao do Maciton a macihza jyamen a mangay a kapakateneng da do kingking nyo abo am jyabo kaji namen anigan a. So ikakman nyo sang a manig an.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Tito 1:1

Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

Sipolay 10:22

Am ori o ikanoyong ta jyablis so onowned a akmey nioyasan so onowned a kano kataotao a omanop ji Ama ta do to.

Sipolay 10:39

Jyabo kapya ta so kapeydedna na jyaten no peyoyaoyyan na ni Ama ta do to, do kalikod ta jya. Ta yaten rana am ta anoyngan o kapatazadang na jyaten ni Ama ta do to do teyngato.

Sipolay 11:13

Sira rana ori am to da noiban do karawan o kapeyhanhan da ni Ama ta do to. Tana abo nimahap da do nipanci na ni Ama ta do to am da ji macimangsahi o da kapananala so akman sang a nakem na sira ni Ama ta do to. Da anoyngan o da kakmey mangilili a tao a yato ngiseysan do karawan.

Sipolay 11:27

Ji na nyaheyan o kapeyoyaoya na ni Valaw. So nikaro na do Ayci. Ta akma ney todacita no mata si Ama ta do to a yamacitovong jya. Am ori o ji na rana kei a meysinaoli, do kapeyhanhan na ni Ama ta do to.

Sipolay 11:7

Si Noya rana am tana ji na pa nimacita o vazay am nyamizing na o nipaziman na sya ni Ama ta do to, do kapeyhanhan na ni Ama ta do to. Ori o nipamaring na so rako a avang. Ori o nikapya da asa ka vahay do henep, do katey rako no raraten no tao do karawan. So nikanoyong ni Noya a nibnek na ni Ama ta do to abo so raraten do tangain na, ta nipeyhanhan na si Ama ta do to.

Sipolay 2:3

No yamanoyong o akman sang am no si to ta nazibwan si Ama ta do to a mapatazadang jyaten do teyngato am makongo ta tomayo no peyoyaoyyan na ni Ama ta do to. Ta nipeylimwang na rana jyaten ni Yeso a Panirsirngen ta o kavyay na jyaten ni Ama ta do to. So nipancyan da rana nya jyaten no nimakamizing sya tao.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Sipolay 6:12

Namen ji mamyapyan inyo a malma so onowned. Inarahen nyo sira o yaji macizizikna a yaomanoyong ji Ama ta do to a tao. Ta ori o ipakahap nyo so makakaday a nakem na jinyo ni Ama ta do to.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.