Sipolay 10:5 - Seysyo No Tao

⁵ Am ori an, pancyan na nya ni Kizisto ji Ama ta do to no kai na do teyrahem, “Mo jyakzan o yapatanangen a kagling a kano makakaday a nakem a patanangen jimo. Ta yamo rana nipanta yaken so kataotao a mahap so vazay mo.

Sipolay 10:5 Kruisverwysings

Matay 11:3

“Manngwa, imo o nipanci ni Yowani a mai? No namen pa nanalahen.”

Locya 1:35

Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to.

Locya 7:19

katovoy na sira mangay ji Yeso a manci no, “Manngwa, imo o nipanci ni Yowani a mai? No namen pa nanalahen.”

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Cyalatay 4:4

Am marateng rana o araraw a nipamnekan na ni Ama ta do to am tovoin na rana o Anak na alavaten no asa ka mavakes a italamozong no iwawalam ni Moyse.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Sipolay 1:6

Am tovoin na o veyvowen na Anak ni Ama ta do to do karawan am maniring si Ama ta do to am, “Mamimin sira o tinsi a amraralay nya.”

Sipolay 10:10

Na nipangononongan ni Yeso o nakenakem ni Ama ta do to a yamahap so vazay na a yamapasansan so kataotao na do jyojika. Am yaipisaha na kato miminan so raraten ta yanivonas.

Sipolay 10:7

Am ori o ko pancyan no, ‘Oya ko do jya a yamangozay do nakenakem mo, mo Ama do to, akman so yadomket do Seysyo a yaomagaz jyaken a vazay.’ ”

Sipolay 10:8

O ney manma na nipanci ni Kizisto jya am, “Mo jyakzan o yapatanangen a kagling a kano makakaday, pacyangayan no rala a patanangen jimo a yamo ivonas so raraten.” Tana yada pangozayan o iwawalam a yamapatanang so makakaday am yakman sang o ciring na ni Kizisto.

Sipolay 2:14

Yaten rana akma ney anak ni Ama ta do to am tao ta do karawan. So nicyakman na jyaten ni Yeso a yamyan so kataotao. Am mawakwak rana o kataotao na ni Yeso am haragen na o oyowyat ni Satan a omwakwak so tao.

Sipolay 5:7

No keyyan na pa ni Yeso do karawan am nimlolos a mapasyasi ji Ama ta do to a mapatastas sya do kawakwakan na. So niiteng no kaoo na mapasyasi ji Ama ta do to. Ikongo do nipehbo na o kataotao na, am ori o nyamizngan na sya ni Ama ta do to so ciring na.

Sipolay 8:3

O vazay da no panipanirsirngen no mapatanatanang so nakem ji Ama ta do to no kakwa am patanangen da o nakem da a sarayan da ni Ama ta do to, a kapatanang da so rala no kagling a kano baka a ivonas da so raraten da. So icyakman na sang ni Yeso a mapatanang ji Ama ta do to.

1 Pite 2:24

Nisabway na ni Kizisto o raraten ta do jyojika. Ori o karwan ta na do peyraratenan ta a somazap so isaray na vazay ni Ama ta do to. O kataotao na ni Yeso a yanimanngannga nyaten am yata nipakahap so to meyyonong a ikavyay no pahad ta.

2 Yowani 1:7

Yamyan so aro a mangnanao no malas a nanao a tao a amlivolivon do karawan. O da patwawen a ciring am da alalasan si Yeso Kizisto a nimalikey do karawan. Sira rana ori am mangalalas so tao a omalalas ji Kizisto.