Sipolay 1:2 - Seysyo No Tao

² Am sicyaikwaya am o Anak na ni Ama ta do to o nimapatwaw so ciriciring na jyaten. Si Yeso o nimangamamaog so karawan no ciring na ni Ama ta do to. So nitorwan na ni Ama ta do to no makakaday do karawan eya a italamozong ni Yeso.

Sipolay 1:2 Kruisverwysings

Matay 13:39

O mapasakoy so tamek a kavosoyan ori am si Satan. O peypeypangayan no mangay mangap rana sya ori am kavosan no karawan. O mangap sya a tao ori am tinsi.

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Matay 21:38

Am macita da o anak na no nimvood so nihakawan na am maniring sira do kadwan jira am, ‘Iya ya o omamoon so nihakawan na. To ta na wakwaka kamoon ta so nihakawan na.’

Matay 26:63

Am abo o asa ka ciring a pasapahen na jya ni Yeso. Ipirwa na pacicin no panirsirngen no mapatanatanang so nakem da si Ama ta do to am maniring ji Yeso am, “Ko na to mancyan o ngaran ni Ama ta do to a yamanci nimo a manci nya jyamen so manoyong rana ciring mo. Manngwa, manoyong ka ya Misayya, Anak na ni Ama ta do to an?”

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Matay 3:17

Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Make 1:1

O Mapasaray a Ciriciring na ni Yeso Kizisto a Anak na ni Ama ta do to am oya o niyapoyapwan na.

Make 12:6

Ney manowji na am to na rana novoya o ney kaglaw na anak a mangay a macisirsiring do nimvood so nihakawan na, ta manakenakem o mapeymowamowa sya am, ‘Jyabo kaji dasnekan no minapodpod jyaken a.’

Make 12:7

Meysirisiring rana sira o nimvood so hakawan na tao am maniring rana sira am, ‘Iya ya o yaomamoon so nihakawan na. To ta na wakwaka kamoon ta so nihakawan na.’

Yowani 1:10

O Ciring rana am amyan rana do karawan a nipangamaog na ni Ama ta do to so karawan. Am kaji da makatenngan jya no tao do karawan.

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 1:3

Ciring o nyamaog na ni Ama ta do to so makakaday. So ikabo no asa ka maoran no karawan a ji na nyamaog no Ciring eya.

Yowani 13:3

Katenngan na ni Yeso o kanitomoro na nya jya ni Ama ta do to so oyowyat na. Katenngan na o kanimapo na ji Ama ta do to. So ipakateneng na do kapeysinaoli na ji Ama ta do to.

Yowani 13:32

No yamanoyong kapakacita da no tao so azwazway na ni Ama ta do to do Nipamnekan na tao am akman sang si Ama ta do to a zomwazway so Nipamnekan na tao. So na ikakeykai rana no azwazway no Nipamnekan na ni Ama ta do to a makaranes.

Yowani 15:15

Ji ko na abneka inyo a lamlamsoy ko. Ta o lamlamsoy am ji na tenngi o vazay no mapalamsoy sya tao. Ko na to abneka inyo a kagagan ko. Ta ko na nimimin o yako nimamizing ji Ama a yanipanci jinyo.

Yowani 16:15

Yatodamimin o nanao ni Ama yamyan jyaken. Am ori o ko pancyan no na kayapo jyaken no inanao na jinyo no Seyzi.

Yowani 17:2

Nitoro mo na o oyowyat jya a tomalamozong no tao do karawan. O icyakman na sang am itoro na o to meyyonong a ikavyay no pahad da no tao a nipamnekan mo a omanoyong jya.

Yowani 3:16

Yatey rako na karilawan no tao do karawan ni Ama ta do to. Mangay do na veyvowen a Anak na o yana nitoro. So ikamimin da no omanoyong jya tao a ji rana meydednai no peyoyaoyyan na ni Ama ta do to, ta mahap da rana o to meyyonong a ikavyay no pahad da.

Yowani 3:25

Tatasa ka macinanao ji Yowani o macinekanekad do asa ka tao do Yotay. O ikazyak da am kataktak do tao.

Yowani 5:26

Si Ama ta do to o yapwan no to meyyonong a ikavyay no pahad no tao. So icyakman na sang no Anak na.

Yowani 5:27

Na nitoro jyaken ni Ama ta do to o oyowyat a yamapacici a mapeykapyapinpin so tao. Ta yaken rana am Nipamnekan na ni Ama ta do to a tao.

Yowani 9:29

Namen katenngan o kanimacisirsiring ni Ama ta do to ji Moyse. Am o tao ori am tamo jyatenngi o na nikapwan.”

Nimlivolivon 10:36

Nyo katenngan rana o Mapasaray a Ciriciring na ni Ama ta do to a nipeylimwang na jyamen a Isedi a tao. Ori rana am na ipanta yaten so ikapiya no onowned ta. So ikabo na rana no oyyan na nyaten ni Ama ta do to, ta nitovoy na si Yeso Kizisto a Panirsirngen no tao do peycyamahamahatawan na.

Nimlivolivon 2:17

‘O ciring na ni Ama ta do to am: No marateng rana o araraw ko no makwa am tovoin ko o Seyzi a macikaop do aro a tao. O anak nyo a mahakay a kano mavakes am mangay o kapanoyonoyo da so ciriciring ko. So iyan no malavayo a mahakay a makacita so mapangyangyalak a ipacita ko jira do akma dey tateynep. So iyan no rarakeh a mahakay a meytateynep so mapeyzokab a ipatateynep ko sira.

Loma 1:4

No hapen do ka Tao do to na am iya o nipeyvangon na ni Ama ta do to a nimapo do heseb na. So ikanoyong na Anak na ni Ama ta do to.

Loma 8:17

No manoyong o kakma tey anak ni Ama ta do to am manoyong keyyan no itoro na jyaten no makwa. So ikakman ta sang a macikasaray do Anak na si Yeso Kizisto. Ta yaten rana am no macyanod ta do alalaw na ni Kizisto am macikazway ta do azwazway na.

1 Kedinto 2:7

O yako ipeylimwang eya am ji da pa nipatwaw no tao no kakwa a teneteneng na ni Ama ta do to. Ta no kaji na pa mamaogan no karawan am amyan rana ori a nakenakem na ni Ama ta do to do kapacikaop ta jya no makwa.

1 Kedinto 8:6

yaten rana a yamraralay ni Ama ta do to am yasa si Ama ta do to a na yapwan no meycyamadadayan. So yana ikanoyong a tomalamozong nyaten. Akman sang, ta abo ikararwa na ni Yeso Kizisto a Panirsirngen ta a nimangamamaog so meycyamadadayan a yana yapwan no ikavyay no pahad ta.

Cyalatay 4:4

Am marateng rana o araraw a nipamnekan na ni Ama ta do to am tovoin na rana o Anak na alavaten no asa ka mavakes a italamozong no iwawalam ni Moyse.

Ivoso 1:10

Ta o pamnemnekan na ni Ama ta do to no kakwa am itoro na o makakaday do karawan a kado teyngato ji Kizisto a italamozong na, no marateng o araraw no nipamnekan na ni Ama ta do to.

Ivoso 3:9

Na nipanta yaken so oyowyat ko a somidong so tao do karawan a makateneng do pamnemnekan na ni Ama ta do to a nimangamaog so karawan. Ta no kakwa pa am abo pa makateneng jya tao.

Sipolay 1:5

Abo asa ka tinsi a nipancyan na nya ni Ama ta do to so, “Imo am Anak ko imo an. So peylimwangan ko nimo a mapeyyama jyaken sicyaraw eya.” Akman sang ta abo asa ka tinsi a pakacirngen na so, “Ama na yaken. Iya am Anak ko.”

Sipolay 1:8

Am pagazen na ni Ama ta do to o ciring na do Anak na am, “Oyowyat mo a Tao do to a tomalamozong no tao do karawan am todangay do kaidan no karawan. Ta yaka ji mapeycyakaban so tao.

Sipolay 11:3

O ta ipakateneng do kaniomamamaog na ni Ama ta do to so karawan no ciring na am tana tamo jya nimacita am tamo na to nganoyngi o akman sang. So ikanoyong no yamacita eya nyamaog na ni Ama ta do to no ciring na.

Sipolay 2:3

No yamanoyong o akman sang am no si to ta nazibwan si Ama ta do to a mapatazadang jyaten do teyngato am makongo ta tomayo no peyoyaoyyan na ni Ama ta do to. Ta nipeylimwang na rana jyaten ni Yeso a Panirsirngen ta o kavyay na jyaten ni Ama ta do to. So nipancyan da rana nya jyaten no nimakamizing sya tao.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Sipolay 4:14

Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

Sipolay 5:8

Tana Anak na ni Ama ta do to am nimasazi na o alalaw a ipeypahagnat na so nakem na a omonot ji Ama ta do to.

Sipolay 7:28

O nipamnekan no iwawalam ni Moyse a mapatanatanang so nakem am tao sira. So iyan no karatan da. Am o nipamnekan ni Ama ta do to a mapatanatanang so nakem am Anak na. So ikabo no karatan na. So to na meyyonongi a makasidong so tao no vazay na mangay do kaidan no karawan.

Sipolay 7:3

Si Mocisete rana am abo do vakong o domket a ngaran no ama na kano ina na. So icyakman da sang no iteytetngehan da. So ji da nimapadkeci so araraw no cinatazak na kano cinawakwak na. So icyakma dey meyyangay a kano Anak ni Ama ta do to a mapatanatanang so nakem a mangay do kaidan no karawan.

Sipolay 9:26

O na icyakman sang ni Yeso a yarana ji vangovangon so iwawalam no tao do Yotay a mapatanang so rala am na rana nipatanang o kataotao na abo so raraten a ivoga na so raraten no tao. So na ikeypisa ni Yeso a mangay mawakwak nyaten a kato na rana meyyonongan a mavonas rana no raraten ta.

1 Pite 1:20

Ji na pa nyamaog o karawan am nipamnekan na rana si Yeso ni Ama ta do to a mawakwak no raraten no tao do karawan. So na ikanoyong rana a nimai a somidong jinyo.

2 Pite 3:3

O ney makdeng na am manakem nyo o keyyan no to mangozangozay do onowned da tao a meykeykaming ninyo do pangavosan no karawan.

Yota 1:18

Maniring sira jinyo am, “Do kavosan no karawan am amyan so tao a komolala si Ama ta do to a meykeykaming ninyo.”