Nimlivolivon 1:4 - Seysyo No Tao

^4-5 Ipisa no kalovot da pa am nipanci ni Yeso jira o, “Si Yowani rana am nitaktakan na inyo no ranom. Am do kadadayan no araraw am meyhekas jinyo o Seyzi. Am ori o ji nyo ngaroi do Yelosaleng, ta nanalahen nyo o Seyzi a itoro na jinyo ni Ama ta do to akman so nipanci na jyaken no kakwa kano nipanci ko pa jinyo asyo.”

Nimlivolivon 1:4 Kruisverwysings

Matay 10:20

Ta o ciring nyo am beken a monganay jinyo, ta itoro na no Seyzi ni Ama ta do to o ciring na jinyo.

Locya 11:13

Kakwakwan nyo a meyraraten a tao a yamakateneng do kapanta no anak nyo so ney pipya a kanekanen a imanngo rana si Ama ta do to. Ta jyabo kaji na mantan ninyo no amin nyo jya o Seyzi a.”

Locya 12:12

Ta nanawen na inyo no Seyzi a mapasapa jira.”

Locya 24:49

Tovoin ko jinyo o Seyzi a nipanci na a itoro na jinyo ni Ama. Am to kamo ngyan do ili eya amnanala sya mangay no si parawaten na jinyo o oyowyat apo do teyngato.”

Yowani 14:16

Ipanci ko ji Ama a kapanta na ninyo so somidong jinyo a Seyzi, kato na rana meyyonongan a macikaop jinyo.

Yowani 15:26

“O yasomidong jinyo a Seyzi am yapo ji Ama. Iya rana am mapatwaw so nanao ni Ama ta do to. So tovoyan ko sya apo ji Ama a mangay jinyo do dang a kapeylimwang na nyaken jinyo.

Yowani 20:22

Karahan am ahahan na sira. Maniring pa jira am, “Ahapen nyo o Seyzi na ni Ama ta do to.

Yowani 7:39

O ciring ni Yeso am pakacirngen na do omanoyong jya do kapakahap da so Seyzi. No kano nang am ji pa nimeygegcin o Seyzi do omanoyong jya tao, ta ji pa nimakaranes o azwazway na a nimirwa a mavyay a meycyakavat do teyngato si Yeso.

Nimlivolivon 10:41

a kapacihanghang namen jya koman no keypirwa na mavyay. Beken a mamimin o tao a nimakacita sya, ta yamen a nipamnekan ni Ama ta do to o nimakacita sya a meylimwang nya.

Nimlivolivon 2:33

So na rana nipeycyakavat a yamyan do wanan na ni Ama ta do to a yamahap so itoro na jya ni Ama ta do to a Seyzi. O nyo macita rana kano nyo mamizing sicyaikwaya am mamimin a yapo do oyowyat na no Seyzi a na nitoro ni Ama ta do to.