Nimlivolivon 1:15 - Seysyo No Tao

¹⁵ Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 1:15 Kruisverwysings

Matay 13:31

Ipanci na pa jira ni Yeso o asa ka pehngehngayan na so ciring na. Maniring am, “O ipeyparo da no tao a macikaop do italamozong ni Ama ta do to am akman so asa ka vettow no nappa a tokosen no tao do peymowamowan na.

Locya 22:32

Am ko na nipeynozi imo. So ji na ablisi no nakenakem mo jyaken. No mamlis ka so nakenakem am vavagan mo sira o akma moy kakteh do cinai an.”

Yowani 14:12

“To ko na macitangayan jinyo am mapeyvazay da o mina vazay ko no omanoyong jyaken a tao. So iyan no makapeyvazay so rakorakwan pa kano nang. O ikakman na sang am amyan ko na ji Ama do teyngato.

Yowani 21:23

Karahan am o akman sang a ciring am todavangovangon. Ori malavat da no macinanao ji Yeso o kaji na wakwakan no asa ka macinanao ji Yeso. Am ji na nipanci ni Yeso o kaji na wakwakan no nang. Ta kapanci na no, “No si ipanci ko kato na avyayan a mangay no yai ko na am ikongo mo kazyakan nya.”

Nimlivolivon 10:23

Am ori o nipasdepan na sira ni Pite a kapeysan na sira. Ikadwa na araw am macihza jira si Pite a kano tatasa akma ney kakteh do cinai a meyili do Yepey.

Nimlivolivon 11:1

O nipamnekan ni Yeso a omlivolivon no ciriciring na kano aro a sinjya do Yotay am mamizing da o beken a tao do Yotay a omanoyong rana do ciriciring na ni Ama ta do to.

Nimlivolivon 11:12

So nipancyan na nyaken no Seyzi so kaji ko ratan so kapacihza ko jira. O ananem eya akma tey kakteh do cinai a mina kararay ko a nyo macita eya am nipehza ko sira jyaken a mangay do Kaysadiya kasdep namen do vahay da Kenaylyo.

Nimlivolivon 11:26

Makala na rana am palolwen na mangay do Antia. So nipakasa kawan da macikaop do aro a sinjya amnanao sira. Nimacipinda no kano nang o kangaran da rana jira a “omraralay ni Kizisto” do Antia.

Nimlivolivon 11:29

Am ori o nikamimin da no amraralay ni Yeso a tao a mapeysinsinmo so nizpi a itoro da do akma dey kakteh do cinai a meyvahay do Yotay. To da palololwa do karwaro no nizpi da o panaoben da.

Nimlivolivon 12:17

Kasdep na ni Pite am patalahen na o lima na. Maniring jira am, “Ji kamo meyzezyak, ta ononongan ko na o panpandan no na nipasawayan jyaken ni Ama ta do to do pamemtengan.” Maniring pa jira am, “Ipanci nyo pa ji Yake a kano akma nyoy kakteh do cinai.” Teyka na ononongan ni Pite o cinasasaodan na am mangay rana do asa ka ili.

Nimlivolivon 14:2

Am o jyakey a manganoyong a tao do Yotay am pasozisozin da sira o beken a tao do Yotay a macioya do amraralay ni Yeso.

Nimlivolivon 15:1

Amyan so tao a apo do Yotay a nimai do Antia a omnanao so sinjya do dang. Maniring sira am, “No si ji nyo mangozai o iwawalam na ni Moyse a amyongkad do kataotao nyo a meyngongyod a Isedi am ji na patazadanga inyo ni Ama ta do to do teyngato.”

Nimlivolivon 15:3

Meyratateng am tovoin da rana sira no akma dey kakteh do cinai a mangay. So nyangay da tomazogaw no sinjya do Vongnise a kado Samadiya. Maniring sira jira am, “Yaro rana o beken a tao do Yotay a yarana omanoyong ji Yeso.” Mamizing da ori am masaray sira.

Nimlivolivon 16:2

Ikanig da si Timotay no akma dey kakteh do cinai do Disetela kado Ikenyan.

Nimlivolivon 16:40

Makowbot rana si Pawlo a kani Sila do pamemtengan am mangay sira do vahay ni Ditiya. So nipakacita da dang so akma dey kakteh do cinai kapait da sira so nakenakem da ji Yeso a kangay da rana.

Nimlivolivon 17:10

Mahep rana am yangay da si Pawlo a kani Sila no akma dey kakteh do cinai do Peyloya. Makaranes rana sira do dang am somdep sira do peyneynozyan no tao do Yotay.

Nimlivolivon 17:14

Am ori o nyangayan da ni Pawlo no sinjya do minato. Si Sila kani Timotay am nimavezed sira do Peyloya.

Nimlivolivon 17:6

Am ji da kala sira. Am to da rana rakpa si Yeson a kano karwan da sinjya a lolwen a yangay do panipanirsirngen da. Maniring sira am, “O tao rana yamapeyzavozavoz so tao do peycyamahamahatawan na am sira rana nimakaranes do jya.

Nimlivolivon 18:18

Nimownay pa si Pawlo do Kedinto. Meyratateng am karwan na rana sira o akma ney kakteh do cinai a karara na si Paycila kani Akwila a omavang do avang a mangay do Sidiya. Makaranes sira do Kengkedi am mey na tedtedan o avok na, akma ney yongkad do kanimanci na rana no makdeng a mina ciring na ji Ama ta do to.

Nimlivolivon 18:27

Meyratateng am naknakmen na ni Apolo o kangay na do Akayya. Ori o nisidongan da sya no akma ney kakteh do cinai do Ivoso a meyteygami nira no omanoyong ji Yeso do Akayya tomaotao sya no mangay jira. Makaranes rana dang si Apolo am arako o nisidongan na sira so nimakahap rana so pangangarilawan na ni Ama ta do to a tao.

Nimlivolivon 21:17

Makaranes namen do Yelosaleng am aro dang o sinjya a magaga a tomaotao jyamen.

Nimlivolivon 21:20

Mamizing da no akma nameney kakteh do cinai am isaray da ji Ama ta do to. Am maniring sira ji Pawlo am, “Mo kakteh, do namen naknakman sya am ala sira rana amlaksa o tao a omanoyong ji Yeso Kizisto a tao do Yotay. Sira rana ori am makdeng sira mahap so iwawalam na ni Moyse.

Nimlivolivon 21:7

So nisongay na rana no avang apo do Tayar a mangay do Todimay. Makaranes namen do dang am mangay namen itazogaw sira o sinjya a kapacisan namen jira so kasahep.

Nimlivolivon 22:5

To nyo mancyan do panirsirngen da no mapatanatanang so nakem da si Ama ta do to a kano kamanrarakehan, ta sira ang o nimakacita jyaken a nimanta nyaken so teygami a mangay do Tamaseke a omya jyaken a omrakep so amraralay ni Yeso a tao a yangay do Yelosaleng a bakbakan.

Nimlivolivon 28:14

Makarahan am makasazi namen do dang so akma nameney kakteh do cinai. Nipeyseysan da yamen so kapito araw a kalam namen mangay rana do Loma.

1 Kedinto 15:6

Meyratateng am mangay mapacita do nimacihza pa jya kakaliman na poo (500) a tao. Sira rana ori am amyan pa jira ang so yamavyay. Yamyan rana jira so nimawakwak.

Ipaziman 11:13

Karahan am meykanini. Am ori o nikazkem na no pozos na no rako a ili. O nimawakwak no kanini a tao am kakapitwan na ranaw (7000) sira. So nikanyahey da no nimavezed pa tao a kazway da rana si Ama ta do to do teyngato.

Ipaziman 3:4

Am yapa myan do Satise so yatatasa ka tao a yaji meylimoteng so onowned a yakman so ayob a manownaw. So ikanoyong da pehzahen ko jyaken do da katey yapya so nakenakem do tangain ko.