Make 9:25 - Seysyo No Tao

²⁵ Macita ni Yeso o aro a tao a mangay omlimot sya am maniring do kalamsoyan ni Satan am, “Imo rana a na ikateleh a kalamsoyan ni Satan am yako imo sirsirngen a ji ka na meyyahahay a komaro do kataotao no kanakan. So ji mo na peyneynami so kapeysinaoli mo.”

Make 9:25 Kruisverwysings

Matay 12:22

No kanang am amyan so tao a mangay nya ji Yeso so kovotan no kalamsoyan ni Satan a ji makabnebnek a mavota tao. Makarahan am iwakwakan na kapakabnebnek na rana kapakacita na rana.

Matay 17:18

Karahan am ioya na o kalamsoyan ni Satan a kapakowbot na rana. So nikapiya na rana no anak na.

Make 9:15

Macita da si Yeso no aro a tao am to da ngyakan. Am ori o nipalalayo da a mangay omrapong sya.

Make 9:24

Meyratateng am amlololos o ama na. Maniring am, “Ko anoyngan am yapa ji makanet o onowned ko. So sidongan mo pa jyaken.”

Make 9:26

Meyratateng am amlololos o kalamsoyan ni Satan a kapanigzang na rana no kanakan do nipakowbot na no kalamsoyan ni Satan. Am ori o icyakma ney nimawakwak no kanakan. Maniring o aro a tao am, “Yarana nimawakwak!”

Locya 11:14

Nivozwaw ni Yeso o asa ka kalamsoyan ni Satan. Iya rana ori am vazay na kakovot na do ji makabnebnek a tao. Vozwawen na ori am makabnebnek rana o tao. Ori o nisavasavakan da nya no aro a tao.

Locya 4:35

Am ori o nioyyan na nya ni Yeso. Maniring am, “Ji ka meyzezyak. Pakowbot rana do kataotao na.” Ori o mina to na pazsii sya no kalamsoyan ni Satan a kazyazikaz na no kovotan a tao ang do tangain da no aro a tao. So nipakowbot na rana no kalamsoyan ni Satan am abwata o nipeyzazan na sya.

Locya 4:41

Meyratateng am to ngyan pa so kalamsoyan ni Satan a nimapo do kataotao da no aro a tao a omlololos a manci no, “Imo rana am Anak ka no Tao do to an.” So nioyyan na nira ni Yeso a ji na mya sira meyzezyak. Ta da katenngan o ka Misayya na.

Locya 8:29

O pancyan na no nang am nivozwaw na ni Yeso o komovot do dang a aro a kalamsoyan ni Satan. Masangib ori a kovotan da no kalamsoyan ni Satan. No kaneb da jya am to na zavazavata o nivaod da so ai na vahalang a kapaksoz da sya no kalamsoyan ni Satan a yangay do kabwan no tao.

Locya 9:42

Makaranes o anak na am paleklekteken na no kalamsoyan ni Satan a kapamezamezay na. Ori o nioyyan na nya ni Yeso so kalamsoyan ni Satan. Am ori o nikapya na rana no kanakan a katoro na rana nya do ama na.

Nimlivolivon 16:18

Mangday do araraw a amlololos. Ikarahet na ni Pawlo am to meyvazingowngaw a tomita sya. Maniring do nikomovot jya am, “Ko pangozayan o ngaran na ni Yeso Kizisto a manci nimo a makowbot rana do kataotao na.” Am ori o nipakowbot na rana no nikomovot jya.

Yota 1:9

Kakwakwan no panirsirngen no tinsi a meyngaran so Micyale a ji makadket ji Satan a avain, no kapeysolib da do kataotao ni Moyse no kawakwak na. O kanimanci na nya ji Satan so, “Ioya na imo ni Ama ta do to.”