Make 13:34 - Seysyo No Tao

³⁴ Akman so tao a mangay mangilili a tomoro no makakaday a vazay do lamlamsoy na peyvazain da a kapanci na rana no mangiwangiwang so pazevngen a lamlamsoy na a ji mapaitkeh so kataotao na.

Make 13:34 Kruisverwysings

Matay 16:19

Itoro ko jimo o ipangingiwang do italamozong ni Ama ta do to. O ji mo mya do teyrahem am akman sang a ji mya do teyngato. O apyahen mo do teyrahem am akman sang a apyahen do teyngato.”

Yowani 10:3

Iwangan na o aneb no amaot no vinyay na no pamzamzaten da a kasdep na no mapamangamangan so kagling na. Katovilan no kagling na o itawag na jira no mapeyvinyay sira. Teyteyhesahen na sira tawagan a powboten.

Loma 13:6

O itoro nyo a deyking do seyvo am itoro nyo, ta o meyvazay da no amyokod ninyo a tao am vazay ori ni Ama ta do to.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

Kelosi 3:24

Manakem nyo o keyyan no nakem na jinyo ni Kizisto, do kanoyong nyo a makahap rana so nakem na so omanop jya tao. So ikanoyong ni Kizisto a ahapen nyo so vazay.

Kelosi 4:1

Inyo rana yamapeylamsoy a tao am peyyangangain nyo o nakenakem nyo so peylamsoin nyo a tao. Ta nyo katenngan na keyyan no Tao do to nyo do teyngato a yatomita so vazay nyo.

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.