Make 1:5 - Seysyo No Tao

⁵ Aro tao a nimapo do peycyeylilyan na do Yotay a kado Yelosaleng a mangay do tangain na ni Yowani. Sira rana am ipanci da o raraten da. Am ori o nitaktakan na jira ni Yowani do ayo a meyngaran so Yotan.

Make 1:5 Kruisverwysings

Matay 4:25

Aro tao a nimapo do Cyadidi a kado Meykasa ngarnan a ili a kado Yelosaleng a kado aro a ili do katovangan no Yotan a ayo a nimacilolo ji Yeso.

Make 1:4

So niyan na ni Yowani do kabwan no nihakawan no tao a manaktak so tao a kapangnanao na. Maniring am, “Karwan nyo o peyraratenan nyo a kataktak ko jinyo. Ta ori o vonasan na sya ni Ama ta do to so raraten nyo.”

Make 1:6

Meyyayob si Yowani so niparing da a bobow no baka a kapeyyabtek na so kolit no baka a kakan na so zozon a kano maganinem a amyan do vahay no tapipi.

Yowani 1:28

O vazay rana ya am no keyyan da do katovangan no Yotan a ayo a ili da do Potani. Do dang rana am nipanaktakan ni Yowani.

Yowani 3:23

Akman sang si Yowani, ta manaktak do meyngaran so Aynon a masngen do Saleng, ta arako do dang o ranom. So ikaro no tao a mangay jya kataktak na jira.

Yowani 5:35

Kapalangayan no zampo si Yowani a amlila maniray. Am ji meyyonownay o sarayan nyo no zezak na.

Nimlivolivon 19:18

So nikaro no amraralay ni Yeso a tao a mai a mapatwaw so nikaratan da no kakwa do tangain no aro a tao.

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Yake 5:16

Patwawen nyo o kalasan nyo do kadwan jinyo a kapeynozi nyo no kadwan jinyo a keywakwak jinyo. Ta tey rako o oyowyat no inozi no apiya so nakenakem a tao.