Make 1:32 - Seysyo No Tao

³² Somipsip rana o araw do makoyab am yai da no aro a tao o meykeyngeyngen a tao a kano kovotan no kalamsoyan ni Satan a tao do tangain ni Yeso.

Make 1:32 Kruisverwysings

Matay 4:24

So nipeyyamyamizngan da na do ngaran na ni Yeso do Sidiya. Am ori o nyangayan da no meykeyngeyngen a tao a kano kovotan no kalamsoyan ni Satan a tao a kano mamezamezay a tao a kano ji makapeygonagonay a tao. Nimimin da o akman sang a tao yangay do tangain na. So niteyteyhesan na sira niwakwakan so kataotao.

Matay 8:16

Somipsip rana o araw do makoyab am yai da no aro a tao ji Yeso o aro a kovotan no kalamsoyan ni Satan a tao. Asa o ciring ni Yeso a kavozwaw da na no kalamsoyan ni Satan. So niwakwakan na do aro a meykeyngeyngen a tao.

Matay 8:17

O vazay na am mina todey mangononong do mina ciring no panoyonoywan na so ciring ni Ama ta do to a meyngaran so Isayya. Ta maniring am, “Na nivonas o ingingnen ta a kano alalaw ta.”

Make 1:21

Makaranes sira do ili do Cyapaynong am amyan si Yeso do peyneynozyan a mangnanao so tao do ipeywalam no tao.

Make 1:31

Ori o nyangay na tomita sya ni Yeso. Makarahan am pinanan na o lima na keyvangon na sya. Am ji na rana nipaingwat. Am ori o nipeyvangon na rana tomaotao sira.

Make 3:2

Tatasa ka tao o amnakenakem so kapeykala da so karatan ni Yeso a iraherahet da sya. Am ori o niyan da do katangked na tomita so vazay na do kaskad da ji Yeso a mangiwakwak so tao do ipeywalam no tao.

Locya 4:40

Somipsip o araw do makoyab am yai da no aro a tao o meykeyngeyngen ji Yeso kapaopta na so lima na jira ni Yeso a kapya da rana.

Locya 4:41

Meyratateng am to ngyan pa so kalamsoyan ni Satan a nimapo do kataotao da no aro a tao a omlololos a manci no, “Imo rana am Anak ka no Tao do to an.” So nioyyan na nira ni Yeso a ji na mya sira meyzezyak. Ta da katenngan o ka Misayya na.