Make 1:27 - Seysyo No Tao

²⁷ Isavasavak da no aro a tao. Am ori o nipeysingsingkad da manci no, “Asyo o akman sya vazay. Abo pa o akman sya nimamizing ta a nanao. Asyo oyowyat na ori yato makavozwaw so kalamsoyan ni Satan ang. Na to ngamiznga pa no kalamsoyan ni Satan o ciring na ang.”

Make 1:27 Kruisverwysings

Matay 15:31

Macita da no aro a tao o ji makabnebnek a kano nimakasapa kano mapilay a kano mavota a to rana apya am isavasavak da. So nyazwazwayan da rana so Tao do to da no Isedi a tao.

Matay 8:9

Akman jyaken a yaomamizing so ciring no makarakarang pa ka nyaken a itaysang no Loma a da kamizing jyaken no yamaveveveh pa ka nyaken a itaysang. No yamyan so ko tovoin a mangay am da to ngonoci yaken. No yamyan so ko ipanci a mai am yato ngai. No ko tovoin o lamlamsoy ko a meyvazay am yato meyvazay. So na ikakman sang no ciring mo a tey mowyat a makavonas so ingingnen no tao.”

Matay 9:33

Vozwawen ni Yeso o kalamsoyan ni Satan do kataotao na am to rana makabnebnek o tao ang. Ori o nisavasavakan da nya no aro a tao. Maniring sira am, “Abo pa o akman so sya vazay a nimacita namen do Isedi!”

Make 1:26

Makarahan am mina to na pazikzika o tao ang no komovot jya a kalololos na kapakowbot na rana do tao ang.

Make 1:28

Ori o nipeyrengarengayan da rana do ngaran ni Yeso do Cyadidi.

Make 10:24

Yeyyak da no macinanao jya o ciring ni Yeso. Maniring pa si Yeso am, “Manoyong, manga keypong, o kaji na to macitapatapasan no italamozong ni Ama ta do to a tao.

Make 10:32

Amyan sira do rarahan a meypangay do Yelosaleng am nimamanong dang si Yeso. Makarahan am meytataziman sira o macinanao jya. So icyakman da sang no macihza jira a tao a manyahey. Meyratateng am lovoten na sira o rarwa so ikakarwan a macinanao jya, kapanci na nya jira so omanam a vazay do kataotao na.

Make 16:5

Somdep sira do heseb na am macita da o mowva tao a omlisna do kawanan no nipayan da si Yeso a meyyayob so malavang a ayob. Ori o niogto da.

Make 16:6

Maniring o mowva tao ori am, “Ji kamo ogto a mavokahaw. Ta ko katenngan inyo a yakomala so yada nipadket do jyojika tao do Nasale a si Yeso. Am yana ji ngyan do jya, ta yarana nimirwa mavyay. To nyo nita o yada nipayan sya ito,

Make 7:37

Abo ji navasavak a makamizing sya. Maniring sira am, “Yateywara o vazay na a yato makapeypapya so yamateleh a kano yaji makabnebnek.”

Locya 4:36

Abo tao ji meyzokab nya. So nipancyan da no, “Asyosyo o ciriciring na ang. A ikongo ori a tao, yana katey rako no oyowyat na yamamozwaw so kalamsoyan ni Satan.”

Locya 9:1

Lovoten na ni Yeso sira o rarwa so ikakarwan a macinanao jya kapanta na nira so oyowyat da ipamozwaw da so kalamsoyan ni Satan a kano ipangiwakwak da so meykeyngeyngen a tao,

Nimlivolivon 17:19

Am ori o nihapan da si Pawlo no aro a panipanirsirngen da do peykeykaygyan da a ngaranan da so Adipako. Maniring sira jya am, “Namen kakzeben o namen kapakateneng do yavayo a mo ipangnanao.