Luuk 2:2 - Gooti Toolluro Yogalokwono

² Aki su toga proovins Siriya tomuuda'ai a'mwo aguto gavona pwolluno yovo tov Kwiriniyosolekono. Toro tool kuuno mido mollomwalo'no a'mwo abolo tonyuno yovo yakwollo'moneyokwe su tov kuvinono abai'movokakwono. Yovo tonyu yakwollo'mo womdo su tov gavona su toolluro muudu'no abwi'movokakwono.

Luuk 2:2 Kruisverwysings

Matyuu 4:24

Toro ikuloduke toolluno ilomodomoropiyo'moneyokwe kuuguudo tov yiuwi'nokai kwako Siriya tomuu abomje'nugoulokakwono. Kuuguudo abomje'nugouloka su tovi a'mwo abolo ton wuu'nyuno sumaveyokwe kemi yiuwi'nokai judo'no judo'no nobollokwe tobuurai Jisasol ikulono'moneyokwe amokabopogano. Su toro amokabopo tobuuravuro pun danyu'nyuwuulo subwosunyajupogano. Aki pun kuullo ma'no ma'nodo tooro aulomwallajupogano. Aki pun gulludubolo sajupogano. Aki pun suvlato nomuullugollokwe sumo'nyajupogano. Yiuwi'nokai judo'no judo'no nobollokwe amokabiyajupo su tonyu Jisasol sukullajukekono.

Luuk 2:1

Su toro toga a'mwo aguto Sisa Oogastosol mido amollomwallajukekono. Toro tool a'mwo abolo gami dolago tomuu mwalodupudo tonyuno yovo tov yakwollo'moneyokwe abai'movokakwono. A'mwo abolo tonyuno yovo yakwollo'moneyokwe su tov Sisa toolluro loowo to'busuko sumo'nyajukokwono.

Luuk 2:3

Toro te gavman tooro yiuwi'nokai yovo tonyu yakwollupino'moneyokwe yiuwi'nokai a'mwo abolo ton kevnokwenyuro wagwolago go'no go'no kuunodo tonyuno avlavopogano.

Luuk 3:1

Toruda'ai a'mwo aguto Sisa pwolluno yovo tov Taibiriyosolekono. Toro tool kantri Room tovi mido mollomwalo yoduke tov 15-pela kworomo tobuul kuuwolo'nokaikono. Su toro toga Poontiyos Pailatol kwako Juudiya tovi gavona womdo sajukekono. Aki su toro toga Herootol distrik Galili toru mido amollomwallajukekono. Aki su toro toga Herootolluro gagwai'yago Filipol kwako Ituuriyake kwako Trakoonitoseke tovallu mido amollomwallajukekono. Aki su toga a'mwo pwol distrik Abilene toru mido amollomwallajukekono. A'mwo su toolluno yovo tov Laiseniyosolekono.

Kuurotokwe 18:12

To'no'gwowi lukomgu Roomda'ai a'mwo aguto gavona pwol sumo'nokaikono. A'mwo aguto su toolluno yovo tov Galiyoo'wolekono. Toro tool proovins Akaiya toru mido amollomwallajukekono. Toro mollomwaloduke toga proovins su tomuuda'ai Juu pworo Poolollu kaiyako igollo'moneyokwe abi'bwo'noporogano. Toro tooro Poolollu galomwora'no sumaveyokwe a'mwo aguto su toollomno amokavlavoporogano. Toro mokavla'mno sumaveyokwe Poolollu kooti yogalo duuwiyo'moneyokwe

Kuurotokwe 23:26

“Oo gavman a'mwo aguto Feliksoloo, guu a'mwo sugudekugono. Nuu Klaudiyos Laisiyasonyu gumiyo'mo pas akav sokwollagubwemono. Toro te, Ilaiyokwono, agudumono. Nuu kuuguudo puruv aro gudumo'monyugono.

Kuurotokwe 26:30

Poolol toro wuujuno sumaiyokwe a'mwo aguto kig Agripa'weke'aro gami jo'mwo Benaisokwe'aro aki gavman a'mwo aguto Festoseke'aro ton iloda'mno sumaveyokwe

Kuurotokwe 5:37

Aki lukomgu su toro to'busuko sumo'noka puruv arokwono. Aiyoga gavman womdokwe tooro a'mwo abolo tonyu jagillo'moneyokwe abi'bwo'noporogano. Toro bi'bwo'nodopure toga a'mwo Galilida'ai pwol abokaikono. A'mwo su toolluno yovo tov Juudasolekono. Toro tool gavman tovi kisuvolo wiyo'mo winodowodo tool a'mwo pworai ki'noma'duke tooro kwollu kuumjunoporogano. A'mwo su toro soka kwol kuruv me'no abolokaikono. Aki yiuwi'nokai gami kuumjunyajupo kworo kuruv gomno gomno lukado me'no sounopiyoporogano.” Kuudokaikono.