Kooloosi 4:10 - Gooti Toolluro Yogalokwono10 A'mwo nuuge wuulo killo'mo ago tovi kuule'na'dowolo pwolluno yovo tov Aristakosolekono. A'mwo su tooke'aro aki Banabasolluro gagumiyago Makolo dodupudo tooke'aro tooral kemi, “Ilaiyokwono,” adekwopiyamalorakono. Sumdomgu nuu Makolluno me'no adaikumul'mwojonyugono. Toro adaikumul'mwojo tovi'aro uumjunopi Makol kemi abekuru'maro'ji toollu ilaiyo neya mollomapinogaikikono. Sien die hoofstuk |
Kooloosi 4:10
17 Kruisverwysings
Toruda'ai Pooleke'aro gavuge somollajupo toorogai'aro tooro wagwolago Pafoos toru wuugollu'mo'mno sumaveyokwe sip puvi ilomwalo'mno avlavoporogano. Toro tooro plaino plaino sumaveyokwe proovins Pamfiliya toru ai'movoporogano. Toro ki'mo'mno sumaveyokwe wagwolago Pega towai aulaporogano. Toro aulapo toga Joon Makol Pooleke toorai wuugollu'movo'no wagwolago Jeruusalem'no aikomgu avlavokaikono.
Toro ki'mo'mno sumaleyokwe wagwolago puruv soolwara tovi wolo tomuu wo'dowodo toru aulalorakono. Wagwolago su tovino yovo tov Salamisoveyokwono. Toro tovi kuulno sumaleyokwe Gooti toolluro kuuguudo tov Juu tooravuro i'bwo'nyago tonyu aulomodomollolorakono. Toro kuulomodomollodole toga a'mwo pwol kworake yomollodowodo tool kwiyo'mwojokaikono. A'mwo su toolluno yovo tov Joon Makolekono.
Toro delowo'na'dopure tovi yiuwi'nokai wagwolago su tovida'ai mwalodupudo ton wuu'no'mno noo'nookwo sopogano. Toro ino sumaveyokwe Pooleke yomollodubulo wagwolago Masedooniyada'ai a'mwo pworallu agalomworaropogano. A'mwo su tooralluno yovo tov Gaiyoseke Aristakoseke toorallu agalomworaroporogano. Toro toorallu galomwora'no sumaveyokwe wagwolago tovuro kuu'maiyo i'bwo'nodupudo toru'no amogaibworomokavlavoporogano.
Toro kuudo yau'no sumaiyokwe a'mwo pworogai amokavlavokaikono. A'mwo su tooraino yovo tov pwol wagwolago Beriya tomuuda'ai Pirosolluro muugunyo Soopatolekono. Pworal wagwolago Tesaloonaikada'ai Aristakoseke Sekuudoseke toorakono. Pwol wagwolago Debe tomuuda'ai Gaiyosolekono. Pworal Esiya tomuuda'ai Tikikoseke Troofimaseke toorakono. Aki pwol Timootiyolekono. Poolol a'mwo su toorogai momwora'no sumaiyokwe avlavoporogano.
Toro te a'mwo mollurogudo mollubworomokwanyokwe su toolluro ato tovi me'no morubweno sumaveyokwe nevu yiuwi'nokai toonol sip pwollu mobiyosowono sulomwalowonogano. Sip su tool wagwolago Adramitiyomda'aiyekono. Aki sip su tool kwako Esiya tomuuno plavowo'ji wagwolago soolwaravi wolo wo'dupudo tonyu ki'meyo'mekono. Toro te sip su toollu ilomwalno sumawoneyokwe kuugollu'movowonogano. Su toro toga a'mwo Masedooniyada'ai pwol nevuge avlavowekono. Toro tool wagwolago Tesaloonaika toru mwalodowodekono. A'mwo su toolluno yovo tov Aristakosolekono.
Su togasuro aku'momdo Saiprosda'ai a'mwo pwolluno yovo tov Joosepolekono. Toro tool Livaiyolluro iko tovasuda'aiyekono. Aki a'mwo su toolluno yovo puruv Banabasolekono. Kuurotokwe tooro yovo su tovi toro wuudodupudekono. Yovo su tovino kavlo tov “Poowokalago tonyu jurogudo duuwimwojo'moneyokweyolekono.”
Abolo su tov nemi Aguto toolluro kwoloraiyo me'no kwimo'nokakwono. Toro tovino tov kevu yiuwi'nokai Gooti toolluro a'mwo abolo gabovo tonyu ilaiyo molloma'dupudo to'busuko kubalno aval'no neya mollomapinokwono. Aki abolo su tov a'mwo abolo bwotonyago togai'aro nuuge'aro tonollu nekullo'mwojodowodokwono. Toro tovino tov abolo su tovuro buro'nyo buro'nyodeyo tonyuno supto so'ji tov kevu duuwiyo'mwojogaulo.
Aki moro iko avalo tovasuda'ai Adroonikoseke Juuniyaseke tooral nuuge wuulo killo'mo ago tovi aule'nallajuuwolorakono. A'mwo su tooral yovo ilaiyo kurukweyorakono. Toro tooral nuu Krais toolluno kuudo yere muubweyodore toga kworalda'ai me'no kuubweyajulorakono. Aki toro tooralluno Jisasolluro kuurotokwe tooro kuudo me'no youroma'dupudorakono. Toro toorallomno moro, “Ilaiyokwonoo,” tov kuuwopiyamono.
Wagwolago Bebeloonda'ai a'mwo abolo Krais toolluro mollu'bwoto ton kemi, “Ilaiyokwono,” adekwopiyamapogano. Krais tool kemi me'no ajaikubweyoka to'busuko kubalno kwako Bebeloon tomuuda'ai a'mwo abolo su to kubuurai kuruv me'no ajesokagano. Aki Mak kwol kuruv kemi, “Ilaiyokwono,” adekwopiyamokaikono. A'mwo su tool mi kwolaiyo pwolbusuko nonyumo'nodowodekono.
Advertensies