Joon 8:20 - Gooti Toolluro Yogalokwono

²⁰ Jisasolluro yogalo kuudoka su ton Jeruusalemda'ai Gooti toollu ilomoropiyo'moneyokwe ago tovuro nuugwiyo bookis tovi wobo toru davo'no sodubwasokaikono. Toro yodubwasoduke kuvi kuruv gami nuuwimo'nyo'moneyokwe kuunodo toga yere mabai'mo'mduke tovino tov a'mwo su tooro wuulo yere magalaillajuporogano.

Joon 8:20 Kruisverwysings

Matyuu 26:55

Jisasol toro wuujuno sumaiyokwe toga kwolallo agalomworaropo su toorai aro kuudokaikono. “Kevu kuukokwe pwollu galomwora'dupudo to'busuko kubalno mi galonumworallo'mo toorekul mino tov, Kuuko pwekono, kuudo jukiyanuu'mwakovo? Aki toro toorekul kemi kwallu'mopto togai gado togai miyomno buro'nyo'mo domokailabadokwovo? Nuu kevuge Gooti toollu ilomoropiyo'moneyokwe ago tovuro agwapto toru yiuwi'nokai iruko toga yodekubwasodumdonyugono. Toro yodekubwasodore toga nokwo agalonumworaropujuko kworekul kuruv magalonumwora'mwa'juporekikono.

Matyuu 27:6

Toruda'ai pris mido mollomwalokwe tooro silva nuugwiyo aulowopiyoka su tobuullu molle'bworoma'no sumaveyokwe aro sajunoporogano. “Nuugwiyo akav a'mwo pwollu romiyoso'moneyokwe kuubingikokwono. Toro te nevu Gooti toollu ilomoropiyo'moneyokwe ago tovida'ai nuugwiyo togai nomolla'mowa'jo.”

Kuuguudo Sugudo akav Makolluro sakwollokakwono Mak 12:41

Jisasol toro wuujuno sumaiyokwe Gooti toollu ilomoropiyo'moneyokwe ago tovuro nuugwiyo iroso'mo bookis tovi wobo toru kwolomwalokaikono. Toro mwalno sumaiyokwe a'mwo abolo ton nuugwiyo irosodopure tonyu amuugonallajukekono. A'mwo kuto ivito bwotonyagokwe tooro nuugwiyo bwotonyo ton surosajuporogano. Bwotonyago tooro toro irosodopure toorai amuugonallajukekono.

Kuuguudo Sugudo akav Makolluro sakwollokakwono Mak 12:43

Abolo kanyu su tobuul nuugwiyo bookis tovi toro kuullurosoduke toga Jisasol wono'no gami uumjunyokwe toorai domaro'no kuudokaikono. “Nuu nebal'no ikudumo'mokwono. Abolo kanyu akabuulluro nuugwiyo surosumoka su tov yiuwi'nokai nuugwiyo aboullurosumapo punyu kuuwolo'mwallo.

Luuk 20:19

Toro kuudoka tovi loowo tovino pi'mwo kuudokwe toorogai'aro pris mido mollomwalokwe toorogai'aro tooro Jisasolluro yovekurajo kuuguudo su tovi wuu'nyuno sumaveyokwe aro kuudo sauroporogano. Oo kuuguudo su tov nemino to'mdeyo, nevu womdo mollomwalokwe kirovanyuvanyu su toorobusukonoldeyo, adoporogano. Toro juno sumaveyokwe kuga'gwo kuuno Jisasollu galomworallo'mo kuudo sauroporogano. Toro kworo kuruv a'mwo abolo tonyuno luko sopo tovino tov Jisasollu yere magalomworaroporogano.

Luuk 21:1

Toruda'ai Jisasol Jeruusalemda'ai Gooti toollu ilomoropiyo'moneyokwe ago tovi kuulno sumaiyokwe aro tovi amuugonallajukekono. A'mwo abolo kuto ivito nuugwiyo bwotonyagokwe ton nuugwiyo iroso'mo bookis tovi irosodopure tonyu amuugonallajukekono.

Joon 10:39

Jisasol toro wuujuno sumaiyokwe toga a'mwo abolo ton Jisasollu aki aiko te galomworallo'mo sopo kuvi kuruv Jisasolno'gwowi irukuruwolovo'no kuugollu'movokaikono.

Joon 2:4

Toro kuudoka tovi Jisasol kuudokaikono. “Abolobuuloo, guu su toro anyudumodo tov buro'nyo'mo'mdeyo? Numoro womdo yo'moneyokwe toga yere mabai'mo'mwallo.” Kuudokaikono.

Joon 7:14

Lubullu doto su tovi akuuto toga Jisasol Jeruusalemda'ai Gooti toollu ilomoropiyo'moneyokwe ago tovuro agwapto toru'no kuulno sumaiyokwe kuuguudo sodubwasokaikono.

Joon 7:30

Toro moruujuno sumaiyokwe a'mwo aguto tooro Jisasollu galomworallo'mo puuto tovino a'mgono sajuporogano. Toro kuvi kuruv gami wimo'nyo'mo kuunodo toga yere mabai'mo'mduke tovino tov a'mwo su tooro yere magalomworallajupekono. Aki Jisasollu nogalomworallo'moneyokwe a'mwo pwolnodo kwol kuruv ato tokwe yere muubogai'nyajukekono.

Joon 7:44

A'mwo abolo su tonyuda'ai pworo Jisasollu wuulo galeromworallo'mo kwinoporogano. Toro kworo kuruv a'mwo su tooraida'ai pwolnodo kwol kuruv kemi ato tokwe Jisasollu ku'nono mamogaleromworaropekono.

Joon 7:8

Toro te kevu lubullu doto yanyo'moneyokwe iruko aguto akallugwoji nokwo plapinorekikono. Toro kuvi kuruv nuvno'gwowi moro novlaiyo'moneyokwe kuunodo toga yere mabai'mo'mwallo. Toro tovino tov nuu kevuge kwako Juudiya tomuuno lubullu doto su tovino mavla'monyugono.” Kuudokaikono.

Joon 8:2

Toruda'ai lomwo iru'mago toga Jisasol Jeruusalemda'ai Gooti toollu ilomoropiyo'moneyokwe ago tovuro agwapto tovino aiko te plavo'no aulai'movokaikono. Toro kuulai'mo'mduke toollu yiuwi'nokai a'mwo abolo ton bi'bwo'no'mno amomwodovomaropogano. Toro momwodovoma'no sumaveyokwe Jisasol wolomwalo'no a'mwo abolo su tonyu kuuguudo sodubwasokaikono.

Joon 8:59

Jisasol toro kuudoka toollu Juu tooro noromiyoso'moneyokwe sulo pworo aluvomaroporogano. Toro kuvi kuruv Jisasolno'gwowi a'mwo su toorai irukuruwoleyo'moneyokwe sumagwo'nokaikono. Toro imagwo'nyuno sumaiyokwe Jeruusalemda'ai Gooti toollu ilomoropiyo'moneyokwe ago tovuro agwapto tovi kwa'mgu tomuuno abolokwokaikono.