Jems 1:24 - Gooti Toolluro Yogalokwono

²⁴ Toro yainyunowo'ji kwol kuruv pumuuno avlawo'ji toga gavnokweyolluro sumdomago tovino kuudo yere yallulo'gwononekono. Toro to'busuko kubalno a'mwo Gooti toolluro yogalo tovi muumjuno'ji tool aval'no imo'nonekono.

Jems 1:24 Kruisverwysings

Matyuu 8:27

Su toro imo'noduke tovino a'mwo tooro morumoukuropiyo'mno aro ajunoporogano. “Aiyoo, dole'manollo tokwe'aro wonyo luwagu luwaguto tokwe'aro toval a'mwo akallu uumjunodubulovakono. A'mwo judo pumgu'aro akal ala'mwoldukono?” Ajunoporogano.

Luuk 1:66

A'mwo abolo su tonyuro kuuguudo bomomjodumoulodopure tovi a'mwo abolo gabovo pun wuu'nodupu aro sajunyajupogano. “Kwolaiyo muudoga su tool a'mwono sumo'no'ji toga adadomgu'aro imo'nonoldukono?” Sajunyajupogano. Aguto tool kwolaiyo muudoga su tooke mwaloduke tovino tov su toro sajunyajupogano. Toro yajunyuno sumaveyokwe aki kuuguudo kuu'nopo su tovino kemoro poowokalago kuunodo tonyu auluuwollokakwono.

Luuk 7:39

Abolo tovuro su toro yoduke tovi Farasi tool wonyuno sumaiyokwe gavnokwe tool aro sajunokaikono. “A'mwo akal proofet kuunodolno'juki abolo kuubogai'napiko su tovino kuudo souromarowo'jujukekono, Oo abolo ma'no ma'nodo'mdeyo, kuudo nokwo souromarowo'jujukekono.” Farasi tool su toro sajunokaikono.

1 Tesaloonaika 1:5

Gooti tool kemi me'no ajaikubweyokaldeyo kuudo yaikuu'dowado su tov aro tovinokwono. Nevu kuuguudo sugudo tokwe kemiyomno ikumokabowono amodekumollajuuwo su tov yiuno mago tovida'ai to'no abaiki'meyajuko'maiyo. Toro kuvi kuruv kuuguudo sugudo su tov jurogudo tokwe'aro Gooti toolluro Kuullo tooke'aro abaiki'meyajukokwono. Aki kuuguudo sugudo su tovino kuudo noullo maullo nonaguto toonol yiuwi'nokai kuullutago tokwe aikumokabowonogano. Aki nevu kevuge amwallajuuwo toga kemi ikullo'mwojo'moneyokwe womdo amjumovlaiyajuwonogano. Su toro toonolluno kevu kuudo nyau'mwakovo.

Jems 1:23

A'mwo pwol Gooti toolluro yogalo tovi kuu'no'ji toga muu'nyubusuko to'no so'ji tool yovekurajo aka'busuko imo'nonekono. A'mwo pwol yainyunyo tokwe gavnokweyolluro sumdomago tovi yainyunonekono.

Jems 1:25

Toro kuvi kuruv Krais toolluro loowo sugumaluko to'gwowi nemi irolovonekwapiyodowodokwono. A'mwo pwol loowo irolovonekwapiyodowodo su tovi ainodokwopiyomaro'ji tov kuudo nyallulo'gwonmwalo'jo. Aki su tovuro yogalo tovi me'no kuu'no'ji toga neya uumjungovlavogawono. Toro uumjungovla'mdowo'jure su toollu Gooti tool sugudo pun nuubwemwalonekono.

2 Pita 3:11

Yiuwi'nokai kwako akavida'ai su ton toro younopipino tovino tov kevu Gooti gavnokwe toolluro pasudo togai to'gwowi neya jomjomwekovlavogaulo. Aki kevu Gooti toolluno to'no neya duumjungovlavogaulo.