2 Joon 1:2 - Gooti Toolluro Yogalokwono

² Guu nuvubusuko Gooti toolluro nebal'no yogalo tovino kuudo uubweyodumdo tovino tov nuu gumino kalo buuropino nyunodowodonyugono. Gooti toolluro nebal'no yogalo su tov nami me'no kuulonakwo'dowodokwono. Aki nebal'no yogalo su tov yiuwi'nokai toga nami yiunokuudo manakugollu'mo'mwalonokwono.

2 Joon 1:2 Kruisverwysings

Joon 14:16

Nuu mi Nyunumiyago toollu wuudogano'mi kemi ikullo'mwojo'moneyokwe pwol nomekwopiyabwonekono. Toro amekwopiyabwo'ji su tool kevuge mwalowo'ji yiunokuudo mujomwekovla'mwalonekono. Toro amekwopiyabwo'ji su tool Gooti toolluro Kuullo tookono.

Joon 15:7

Kevu mi nuguro'mwonyugovlavopi aki moro yogalo ton kemi aulaikworo'ji tov kevu moro Nyunumiyago toollu buro'nyo buro'nyo tonyuno kuudoganpi tov kuvino nekullumo'nonokwono.

1 Koorin 9:23

Aki moro yiuwi'nokai yodumdo su tov kuuguudo sugudo tov neya bomje'nugoulawono'moneyokwe yodumdonyugono. Kuuguudo sugudo su tov bomje'nugoulodowo'jure tovi a'mwo abolo kuudo kuubwepi tonyo'mo Gooti tool gamoro sugudo pun me'no yovroubweyodowodekono. Toro yovroubweyodowodo su ton amapi toga nuu kwonyu kuruv aval'no nomaranonyugono. Moro yodumdo tov su toro tovinokwono.

2 Koorin 4:5

Neya duu'nyulo. Nevu nevnokwenolluno mamoruudomollumwakuuwonogano. Toro kwonol kuruv aro modomollodowadonogano. “Aguto tool Jisas Kraisol kwekono.” Modomollodowadonogano. Aki nevu Jisasollu uumjunodowado toonol kemi ki'nato womdokwe toonolbusuko kemiyo'mo womdo ikullumovla'mdowadonogano.

Kooloosi 3:16

Krais toolluno kuuguudo sugumaluko tov kemoro yiuwi'nokai anakuuto tomuu neya kuullo'movaikwopimwalonokwono. Toro togaikul Jisasolluro a'mwo abolo tobuurai Gooti toolluro pi'mwo kuudo ikullabodowo'jure togai neya yodubwasopi dodumul'mwojogaulo. Kemoro poowokalago tonyu Gooti toollu, “Nenoloo,” wuujo'moneyokwe tov neya kuulaikwo'mwalonogaikikono. Toro kuulaikwo'dowo'jure toga kevu dato puruvapuruv tomgu'aro dodomwalogaulo. Dato pun Gooti toolluro yogalokwe buukiyo tovi wo'dupudogano. Aki dato pun Gooti toollu ilomoropiyo'moneyokweyogano. Aki dato pun Gooti toolluro Kuullo tool ikubweyodowodogano. Dato su toro togai kevu neya dodomwalogaulo.

2 Timooti 1:5

Aki nuu gumoro Krais toolluno kuudo kuunodo uubweyodumdo tovino aro kuudo you'movla'mdumdonyugono. Muudu'nodo toga gumi jukeyago Loowisokwe'aro gumi juneyago Yiunisokwe'aro tonal Krais toolluno kuudo kuunodo kuubweyolonakono. Su toro tonalbusuko aga guu kweku kuruv Krais toolluno kuudo aval'no uubweyodumdo tov gumoro poowokalago tovi me'no kuullo'mowopiyodowodokwono. Nuu su toro kuudo yaguu'dumdonyugono.

2 Pita 1:12

Kevu su toro tovino kuudo me'no youroma'dupudogaikikono. Aki nebal'no yogalo ma'dupudo tovi kuuno agudupola'mwakopo kuvino kuruv kevu kuudo nyallulo'gwonmwalpiyokwe tovino tov nuvu yiuwi'nokai toga jurogudo daikullumwojumwalmonyugono.

1 Joon 1:8

Nevu aro noda'jo. “Oo ma'no ma'no pasudo maiyonogano.” Punol su toro ada'ji tov kuunano tomuu'aro bwolodukwopiyowanonogano. Aki su toro ada'ji tonolluro poowokalago tovi nebal'no yogalo tov maulanekwo'dowodokwono.

1 Joon 2:14

Aki kwoloraiyobuuravoo, kevu kemi Tellunumiyago Gooti toolluno kuudo me'no souromaropogaikikono. Toro tovino tov nuu kemiyomno yogalo akav sokwollekwopiyamono. Aki kuunumiyagoravoo, aiyoga muudu'nodo togada'ai aki aga kuga kuruv kuuno mujomwekovla'mdowodo Gooti su toolluno kevu kuudo me'no souromaroporekikono. Toro tovino tov nuu kemiyomno yogalo akav sokwollekwopiyamono. Aki muugunyoravoo, kemoro poowokalago ton jurogudo me'no sumo'noporekikono. Aki Gooti toolluro yogalo tov kemoro poowokalago tonyu kuulaikwo'dowo'jure su tovi kevu guureji gudupola'dupudorekikono. Aki toro toorekul kirovanyuvanyokwe Satanyollu me'no kuuwolovoporekikono. Toro tovino tov nuu kemiyomno yogalo akav sokwollekwopiyamono.

1 Joon 2:17

Kwako akakwe'aro kwako akavida'ai a'mwo abolo tonyuro ilaiyo igollunyo'mo pasudo toorogai'aro tooro nyovlapinorogano. Toro kuvi kuruv a'mwo abolo Gooti toolluro ilaiyo winodowo'jure tovi kuumjunpi tono'gwowi aiyo yiunokuudo mujomwekovla'mwalpinogano.