Lujia 4:42 - Hudani Kielien

⁴² Ogheikude Ersa khizhedene hontande echiwo. Kunla Ersani izhi ereizho. Ereizhi oludene hhei ulie echighane giezho.

Lujia 4:42 Kruisverwysings

Make 1:45

Hhe kun khireidene olon kielien kieliezhi ene shiqinyi gochude kieliese Ersa khuinashi mindaminji chenshide echi dazhi zinie hontande wo. Go oronse kunla hhei ereizhi echizho.

Lujia 24:29

Hhela ninkounin Ersai feilieghazhi kieliewo, "Ede nanran pudawo, khara oluwo. Matan enende hhantu souye." Ingiese Ersa hhelare hhantu echi souwo.

Lujia 6:12

Hhe xienzide Ersa ulade khireidene nie xii Hudase onxian giewo.

Yaheiya 4:34

Ersa kieliewo, "Mii ijiunishi mii peizhi ireghasan hhei isini gieku wo. Hhei wilielai chengun olughane.

Yaheiya 4:40

Samaliya kunla Ersai ochirale irewo. Hhei xiahua giezhi hhelai hhende sou giese, Ersa ghuarudu souwo.

Yaheiya 6:24

Kunla Ersa, tujilai chanla dase chon souzhi Jiabainunde Ersai ereile echiwo.