Lokas 6:35 - Hay halitá nin Diyos hay kawkanta boy kawkahalita-an (The New Testament Psalms and Proverbs)

³⁵ Alwan ombayroy gaw-en moyo. Hay gaw-en moyo ay labiyen moyoy kawka-away moyo boy manggawà kawon kahampatan konla. Pa-otangan moyo hila nin agkawo omasa nin ma-in mibira komoyo ya kabayaran. Ha ombayro ay makatanggap kawo nin ma-alagà ya primyo, boy mag-in kawon anak nin Diyos ya Pinakamakapangyariyan; ta hiya ay mahampat do ha ayin otang ya nakem boy do ha mangala-et.

Lokas 6:35 Kruisverwysings

Kawkanta 112:5

Kahampatan ya lomateng ha tawoy mabibi-iyen boy mapama-otang, ta hiya ay ma-in katapatan ha pama-owako nan kapanikapan na.

Kawkanta 145:9

Mahampat ya Pangino-on ha kaganawan, boy an-ingalowan nay kaganawan pinalsa na.

Kawkanta 37:26

Hay tawtawoy mangahampat ay mabibi-iyen boy ampamaram ha kanayon; banà bayro ha gawgawà la, hay aw-anak la ay ampagkama-in kahampatan.

Kawkanta 58:11

Hay tawtawo ay mipaghalità nin ombayri: “Talagan hay tawtawoy mangahampat ay primyowan, boy talagan ma-in Diyos ya manosga ha tawtawo bayri ha babon lotà.”

Kawkahalita-an 19:17

Hay tawoy ampaka-ingalo nin tawoy ma-irap ay emen yan nama-otang ha Pangino-on Diyos, ta Pangino-on ya gomanti kona nin kahampatan.

Kawkahalita-an 22:9

Mag-in kan mabibi-iyen boy hay manga-irap ay atagan mon pamamangan mo emen lalò kan mag-in makalmà.

Matiyo 5:9

“Makalmà ya tawtawoy mapamisondò, ta hila ay ingaten nin Diyos nin aw-anak na.

Markos 5:7

Hinalità ni Apo Hisos do ha mala-et ya ispirito ya pinomahok do ha tawo, “Hikay mala-et ya ispirito, mog-alih ka ha tawoy habayti,” wana. Hapa-eg, nambo-angaw baytoy lalaki boy hinalità na koni Apo Hisos, “Hisos ya Anak nin Diyos ya Pinakamakapangyariyan, antà ampaki-emenan mo ko? Alang-alang ha Diyos ay agmo ko pa-irapan.”

Lokas 1:32

Hiya ay ma-in karangalan boy hay i-ingat kona ay Anak nin Pinakamakapangyariyan ya Diyos. Igwà kona nin Pangino-on Diyos ya pamomo-on nin bilang ha pamomo-on hin hato ni Arì Dabid ya ka-apo-apowan na.

Lokas 6:36

Mangingangalo kawo nin bilang ha Tatay moyoy Diyos ya ma-ingangalowen.”

Howan 13:35

No ma-in kawon pamilalabi ay matanda-an nin kaganawan tawo ya hikawo ay aw-alagad ko.”

Howan 15:8

Angkapori ya Tatay koy Diyos no hay an-ibonga moyo ay malakè. Ha ombayro ay an-ipatnag moyo ya hikawo ay aw-alagad ko.

Gawgawà 14:17

piro ha kahampatan gawgawà nin Diyos ay pirmi nan ampaptegan ya hiya ay talagan Diyos. Hiyay ampambin oran boy ampambin alawah komoyo ha tamà ya pana-on. Ambiyan na kawo et nin pamamangan boy ampon-en nan kaligawan ya nakem moyo.”

2 Korinto 8:9

Tandà moyo ya kahampatan pangingangalo ni Pangino-on Hisokristo, ta maski ikon nay kaganawan ha kama-inan nin Diyos, hiya ay nag-in tawo ya ayin nin maski anyay kamama-in boy timbeh nay kawkasalanan tamo. Ha ombayro ay ma-in tamo nin biyay ya ayin anggawan, boy makapaki-atag tamo ha kaganawan ikon na.

2 Timotiyo 3:2

Hay tawtawo ay mag-in malabi ha sarili, mag-in lopan kowalta, mahambog, mapagmalhay, mala-et maghalità, ahè anhomonol ha mawmato-antawo, ayin otang ya nakem, boy ayin galang ha Diyos.