Lokas 2:1 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹ Hin habayton pana-on, hi Agosto Sisar ya pinakamatag-ay ya arì ay nambin kapanogo-an ya hay kaganawan angkasakopan na ay dapat parihistro.

Lokas 2:1 Kruisverwysings

Matiyo 22:17

Hapa-eg, tongkol ha pamamayad bo-ih, tamà nayì o alwa ya mamayad kayi nin bo-ih ha ampamo-on konnawen ya hi Arì Sisar ya taga siyodad nin Roma?”

Matiyo 24:14

Hay Mahampat ya Balità ya tongkol ha pamomo-on nin Diyos ay i-aral ha kaganawan dogal ha babon lotà emen kaganawan tawo ay makalengè. Pangayarì ay ma-anggawan anay babon lotà.”

Markos 14:9

Anhalita-en ko komoyo ya kaptegan: maski ayrin dogal bayri ha babon lotà nin ma-i-aral ya Mahampat ya Balità ay mapanemteman bayti ya babayi ta mabanggit ya ginawà na kongko.”

Markos 16:15

Hapa-eg, hinalità et konla ni Apo Hisos, “Mako kawo,” wana, “ha kaganawan dogal bayri ha babon lotà ta ha kaganawan tawo ay i-aral moyo ya Mahampat ya Balità.

Lokas 2:3

Hapa-eg kaganawan tawo ay pina-orong ha sarili lan banowa ta parihistro.

Lokas 2:5

Nako hi Hosi nin parihistro kalamo na hi Mariya ya pinangako-an nan pakahalan. Hin habayto, hi Mariya ay marani anan manganak.

Lokas 3:1

Na-abot ya ikalabinliman ta-on nin pamomo-on ni Tibiryo Sisar ya pinakamatag-ay ya arì; hi Ponsyo Pilato ay gobirnador ha probinsyan Hodiya; hi Hirodis ay gobirnador ha probinsyan Galiliya; boy hi Pilipi ya patel ni Hirodis ay ampamo-on ha dogal ya sakop nin Itorya boy Tarakoniti; hi Lisanyas ay ampamo-on ha dogal ya an-ingaten Abilinya. Hi Anas boy hi Kaypas ay parihon pinakapo-on nin pawparì nin Hawhodiyo. Hin habayton pana-on, hi Howan ya anak ni Sakariyas ay anti ha powiray dogal. Bayro ay minandawan ya nin Diyos nin mangaral ha tawtawo.

Gawgawà 11:28

Miha bayro konla ha pawpropita ya nagngalan Agabo ay nireng, ta ha kapangyariyan nin Ispirito nin Diyos ay hinola-an nay ma-in lomateng ya masyadoy ka-irapan ta magkakolang ya pamamangan ha kaganawan dogal bayri ha babon lotà. (Habayti ay nangyari hin ampag-arì hi Klawdyo.)

Gawgawà 25:11

No nilomabag ako ha kawkapanogo-an o nakagawà akon bawbagay ya nararapat kongko ha kamatyan ay agko magriklamo. Piro no ayin kaptegan ya riklamo la ya kontra kongko, hiko ay ahè magtan bayro nin maski hino. Pakarani ko koni Arì Sisar ta bayro ko magriklamo.”

Gawgawà 25:21

Piro impaki-ilgo kongko ni Pablo ya hay labay nan manosga kona ay hi Arì Sisar. Kayà immanda ko ya hiya ay bantayan mahampat ha pirisowan angga ha ma-ipagtan ko ya koni Arì Sisar.”

Roma 1:8

Onan-ona, banà koni Pangino-on Hisokristo, hikawoy kaganawan ay an-ipagpasalamat ko ha Diyos ta hay pantotompel moyo ay nabantog ana ha maski ayrin dogal.

Pilipos 4:22

Kaganawan anti bayri ya nag-in tawtawo nin Diyos ay ampangomosta komoyo, lalo-lalò ana bayti ya ampipagtrabaho ha palasyo nin pinakapo-on ya an-ingaten Sisar.