Lokas 16:6 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁶ “Tinombay baytoy ma-in otang, ‘Magatoy hokat nin asitin olibo,’ wana. “Hinalità nin hatoy mama-alà, ‘Anti bayri ya listawan nin otang mo. Miknò ka ta pahiliyan moy nakalista bayri emen hay otang mo ay mag-in tanan limampò.’

Lokas 16:6 Kruisverwysings

Matiyo 20:8

“Hin anyomabi ana, hatoy ma-in ikon nin tawtanaman ay naghalità do ha pinaba-alà na, ‘Ingaten moyna,’ wana, ‘ya mawmagtatarabaho ta igwà moynay opà la nin hay onawen mon biyan ay hatoy nikahoyot mon pinatrabaho.’

Lokas 16:12

No ahè ma-arì ipahimalà komo ya ikon nin kanayon, hinoy mambi komo nin para pag-ikon mo?

Lokas 16:5

“Hapa-eg, iningat nay kaganawan tawoy ma-in otang ha amo na. Pinastang na baytoy ona, ya wana, ‘Ongnoy otang mo ha amo ko?’

Lokas 16:7

“Hapa-eg, pinastang na baytoy ikalwa, ‘Hapa hika itaman,’ wana, ‘Ongnoy otang mo?’ ‘Magatoy hokat nin trigo,’ wana. “Hinalità ana et nin hatoy mama-alà, ‘Anti bayri ya listawan nin otang mo; pahiliyan moy nakalista bayri emen hay otang mo ay mag-in tanan walompò.’

Lokas 16:9

Insigi ni Apo Hisos ya paghalità na, “Kayà,” wana, “nin anhalita-en ko komoyo, gamiten moyoy kamama-in ya impahimalà komoyo nin para ha tawtawoy ampanga-ilangan emen pangati moyo ay tanggapen kawon pa-iri ha pama-iriyan ya ayin anggawan.

Howan 2:6

Ma-in bayron anem ya pahig ya anggamiten nin Hawhodiyo ha ka-ogali-an paglilinis la. Balang pahig ay ampagkalaman nin lowampò o tatlompò ya galon nin lanom.

Tito 2:10

Hay amo la ay agla panakawan nin anyaman ya bagay, no alwan ipakit la ya hila ay talagan mapahimala-an. No ombayro ya gaw-en la ay malabayan nin tawtawo ya torò ya tongkol ha Diyos ya Mapangilibri kontamo.