Kawkanta 2:4 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁴ Banà bayro ha amplanowen la, hay Pangino-on ya anti ha katatag-ayan ay ampangka-ili konla boy antoya-toya-en na hila.

Kawkanta 2:4 Kruisverwysings

Kawkanta 11:4

Hay Pangino-on ay anti ha masagradoy bali na, boy hay trono na ay anti ha katatag-ayan ha kama-inan na. An-imatonan nay tawtawo boy tandà nay anggaw-en la.

Kawkanta 115:3

Hay Diyos nawen ay anti ha katatag-ayan ha kama-inan na, boy anggaw-en nay anyaman ya makab-in konsowilo kona.

Kawkanta 123:1

Pangino-on, ampaninglà ako komo ha katatag-ayan ha kama-inan mo ya ampamo-onan mo.

Kawkanta 37:13

Hay Pangino-on ay ampangka-ili ha tawtawoy mangala-et ta tandà na ya ahè ana maboyot, hila ay mipalakoyna ha kaparosawan.

Kawkanta 53:5

Hay mangala-et ay masyadon nikalimo maski ayin dapat kalimowan. Hay Diyos ay nangikakatak nin bawbot-o nin nipangalaban komoyo; impareng-ey moyo hila, ta hila ay ahè tinanggap nin Diyos.

Kawkanta 59:8

Piro hika, Pangino-on ay ampangka-ili konla, boy hay kawka-away ko ya na-ibat ha kanayon ya nasyon ay antoya-toya-en mo.

Kawkanta 59:9

Hika, Diyos ko, ya kakhawan ko boy dipinsa ko ya ampahimala-an ko.

Kawkanta 68:33

ya anti ha katatag-ayan ha kama-inan na pa-ibat et hin hato. Hay makhaw ya bosis na ya bilang ha korol ay malengè ya mangibat bayro.

Kawkahalita-an 1:26

Kayà no ma-in alwan maganday mangyari komoyo ay ka-iliyan katawo; boy no ma-in kawon kagolowan ay galgalan katawo.