Luqa 9:3 - Ṯarifiṯ 2020

³ Inna-asen: "War kiḏwem tiwim walu x ubriḏ. War kessim ni aƹekkaz, ni aqrab, ni aɣrum, ni nnuqarṯ, ni ṯnayen n ičammiren.

Luqa 9:3 Kruisverwysings

Marqus 6:7

Iȓaɣa-d Ƹisa x ṯenƹac n arrusul issekk-iṯen ṯnayen ṯnayen, yuca-asen ssulṭa aḏ ḥekmen x jnun iƹeffanen.

Luqa 12:22

Inna-asen Ƹisa i imeḥḍaren nnes: "X manaya aḏawem iniɣ: War kessim ca s umnus i ṯuḏarṯ nwem ƹlaḥsab min ɣa ṯeccem niɣ ḏ arruḍ iy ɣa ṯeḥḏajem i ddat nwem.

Luqa 12:28

Meȓa Arebbi iticc arruḍ zaƹma i arbiƹ n ȓexȓa ig iǧan nhara aḏ iḥreq ṯiwecca ḏeg ufarran, ma war itegg akiḏwem kenniw ktar? Ḏaywem lʼiman nwem ḏ uqlil.

Luqa 22:35

Ȓexddenni inna-asen Ƹisa i imeḥḍaren nnes: "Wami kenniw ssekkeɣ bȓa ṯazeƹbuȓṯ, bȓa aqrab, bȓa ṯisiȓa, ma ixeṣṣi-kenniw ca?" Nnan-as: "Lla."

Luqa 3:11

Yarra xasen Yaḥya inna-asen: "Wenni ɣar ǧant ṯnayen n ṯeqmijaṯin itxeṣṣa aḏ yuc icten i wenni war ɣar iǧi ca. Ƹaweḏ wenni ɣar iǧa min ɣa icc itxeṣṣa aḏ yuc i wenni war ɣar iǧi ca."

Luqa 5:29

Igga-as Lawi ijjen n zarrdeṯ ḏ ṯameqqrant ḏi ṯeddarṯ nnes. Ḥḍaren akiḏsen aṭṭas n iƹeccaren ḏ inneɣni iy qqimen akiḏsen aḏ ccen.

Luqa 9:4

Xmi ɣa ṯaḏfem ɣar can ṯeddarṯ, qqimem ḏinni aȓ ɣa ṯuyurem ssenni.

2 Timutawus 2:4

War ḏinni bu can uƹeskari ig itemxumburen ḏi ddur nnes ḏi ṯmesȓayin n ddunect-a ȓaḥeqqac irezzu aḏ yarḍa x wenni iy ṯ yarrin ḏ aƹeskari.