Luqa 8:2 - Ṯarifiṯ 2020

² ḏ can ṯemɣarin isgenfa-ṯent zi jnun ḏ ȓehȓacaṯ. Niṯenti ḏ Maryam umi qqaren ṯamagdaliṯ iy zi ffɣen sebƹa n jnun,

Luqa 8:2 Kruisverwysings

Matta 4:24

Iffeɣ ȓexbar nnes ḏi Surya amen-ṯekmaȓ. Tawin-d ɣares marra yinni iheȓcen tƹeddaben s lʼanwaƹ n ȓehȓacaṯ ḏ ȓeḥȓiqaṯ, mkuȓ imaryaḥen ḏ imejnunen ḏ inecrufen netta isgenfa-ṯen.

Marqus 16:1

Wami iƹḏu nhar n ssebṯ n lƹibada, Maryam ṯamagdaliṯ, ḏ Salumi, ḏ Maryam yemmas n Yaƹqub ruḥent sɣint lƹiṭar uwint-ṯ-id aḏas ḏehnent.

Marqus 16:9

{Ƹisa wami d ikkar zi ȓmewṯ zic nhar amezwaru n ssimana imeḍhar-d ḏ amezwaru i Maryam ṯamagdaliṯ ṯenni iy zi tuɣa isufeɣ sebƹa n jnun.

Luqa 23:27

Ḏfaren-ṯ aṭṭas n ȓɣaci, ṯimɣarin ḥeznent trunt xas.

Luqa 23:49

Marra imƹacaren nnes ḏ ṯemɣarin iy ṯ iḏfaren zi Ljalil bedden ɣar ȓeggwaj ẓrin manayenni.

Luqa 23:55

Ṯimɣarin nni iy d yusin ak Ƹisa zi Ljalil ḏfarent Yusef ɣar unḍeȓ ẓrint-ṯ ḏ mamc ḏayes inḍeȓ ddat nnes.

Luqa 8:30

Isseqsa-ṯ Ƹisa inna-as: "Mammec ḏac qqaren?" Inna-as: "Nec qqaren-ayi Aberru" minzi tuɣa uḏfen ḏayes aṭṭas n jnun.

Yuḥanna 19:25

Zzaṯ i ṣṣalib n Ƹisa ṯbedd yemmas ḏ xačes ḏ Maryam ṯamɣarṯ n Krifas ḏ Maryam ṯamagdaliṯ.

Ȓexḏayem 1:14

Yina kuȓ nhar tmunen marra s yijjen n lfikra tẓaǧan, akiḏsen can n ṯemɣarin ḏ Maryam yemmas n Ƹisa ḏ ayṯmas.