Luqa 8:14 - Ṯarifiṯ 2020

¹⁴ Zzarriƹeṯ nni ig iwḍan jar isennanen nettaṯ am yiwḏan iy tesȓan i wawaȓ n Arebbi, walakin ḏeɣya temjeyyafen s umnus ḏ wagȓa ḏ ccehawaṯ n ddunect-a war neffƹen ca.

Luqa 8:14 Kruisverwysings

Matta 13:22

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

Marqus 4:19

ḏaysen amnus n ddunect, icemmeṯ-iṯen ṭṭmaƹ n wagȓa, ḏaysen ccehawaṯ n ṯmesȓayin nneɣni, ssenni itwajeyyef wawaȓ n Arebbi war ineffeƹ ca.

Luqa 16:13

War izemmar aḏ yiȓi can yijjen ḏ axeddam ɣar ṯnayen n siyaḏis. Mayemmi? Ima ijjen aṯ iƹiff, ijjen aṯ ixes. Niɣ ijjen aḏayes iṭṭef, ijjen aṯ iḥeggar. Aḏ txeḏmem i Arebbi niɣ aḏ txeḏmem i ȓewsex n ddunect-a, war iǧi bu s ṯnayen."

Luqa 21:34

Ma ṯexsem aḏ teccem uȓ nwem? Ḥḍaṯ ixef nwem zi lmaddla n ssekra ḏ waṭṭas n ccreb ḏ ȓehmum n ddunect-a. Qa aḏ d yas Nhar nni aneggaru ƹlaɣafla am yijjen n ṯexcefṯ.

Luqa 8:13

Zzarriƹeṯ nni ig iwḍan jar yizra nettaṯ am yiwḏan iy tesȓan i wawaȓ n Arebbi, qebȓen-ṯ s ȓefraḥeṯ. Wami war uwṯin bu iẓewran mliḥ ḏeɣya tneqȓaƹen. Tamnen zzayes ɣir ḏeg yijjen n ȓweqṯ waha, ḏi ȓweqṯ n ȓemḥayen ḏeɣya teffɣen abriḏ.

Luqa 8:15

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ s wuȓ nsen aṣebḥan ḏ acemȓaȓ, ṣebbaren ḥima aḏ arwen.

Luqa 8:7

Can zzarriƹeṯ ṯewḍa jar isennanen. Ɣmin-d akiḏes isennanen nni jeyyfen-teṯ.

Yuḥanna 15:6

Meȓa can yijjen war iqqim ca ḏayi, ataf aḏ imenḍar ɣar barra amecnaw ikeccuḍen yuzɣen, aṯen smunen aṯen ggen ḏi ṯmessi aḏ cemḍen.

1 Timutawus 6:17

Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.

2 Timutawus 4:10

Minzi Dimas ismeḥ ḏayi ṯuwi-ṯ ȓemḥibbeṯ n ddunect-a iruḥ ɣar ṯendint n Salunik. Iruḥ Kriskus ɣar lʼiqlim n Galaṭya, iruḥ Titus ɣar jjiheṯ n Dalmasya.

Iƹibraniyen 6:1

X manaya war netɣimiṯ ca ḏi ttaƹlim-a amezwaru x Lmasiḥ, a nuyureṯ ɣar zzaṯ bac a nemɣar. War ntaƹqib ca ɣar dsas. Iƹni war nessawaȓ ca ƹaḏ x ttuba nni n ssayiʼaṯ, niɣ x mammec ɣa negg a namen zi Arebbi,