Luqa 6:42 - Ṯarifiṯ 2020

⁴² Mammec teggeḏ ṯzeƹƹmeḏ aḏ tiniḏ i wumac: Ay uma, ejj-ayi aḏac d kkseɣ ȓum-a ig iǧan ḏi ṯiṭṭ nnec, cek ƹaḏ tejjiḏ akeccuḍ ḏi ṯiṭṭ nnec? A lmunafiq, kkes ḏ amezwaru akeccuḍ zi ṯiṭṭ nnec. Ƹaḏ iy ɣa ṯetwaȓiḏ mliḥ ḥima aḏ tekkseḏ ȓum ig iǧan ḏi ṯiṭṭ n wumac!

Luqa 6:42 Kruisverwysings

Matta 26:75

Ḏinni ifekkar-d Buṭrus awaȓ nni n Ƹisa wami ḏas inna: Qbeȓ ma aḏ idden uyaziḍ ataf aḏayi ṯenkareḏ ṯȓaṯa n ṯwaȓaṯin." Iffeɣ ɣar barra iru imeṭṭawen ḏ imeǧaḥen aṭṭas.

Matta 7:3

Mayemmi tseḥqareḏ cwayt n uȓum ig iǧan ḏi ṯiṭṭ n wumac, cek tettuḏ akeccuḍ ig iǧan ḏi ṯiṭṭ nnec?

Matta 7:4

Mammec teggeḏ ṯzeƹƹmeḏ aḏ tiniḏ i wumac: Ejj-ayi aḏac d kkseɣ ȓum-a ig iǧan ḏi ṯiṭṭ nnec, cek ƹaḏ tejjiḏ akeccuḍ ḏi ṯiṭṭ nnec?

Luqa 13:15

Inna-as Siḏiṯneɣ: "A lmunafiqin, ma war ṯḍeǧqem ca ifunasen ḏ iɣyaȓ nwem zi ȓkuri ḏi nhar n lƹibada ḥima aṯen ṯsesswem?

Luqa 22:32

Tettareɣ akiḏec ɣar Siḏi Arebbi ḥima lʼiman nnec war ineqqeṣ ca. Xmi ɣari d ɣa ṯḏewȓeḏ, cejjeƹ ayṯmac."

Luqa 6:41

Mayemmi tseḥqareḏ cwayt n uȓum ig iǧan ḏi ṯiṭṭ n wumac, cek tettuḏ akeccuḍ ig iǧan ḏi ṯiṭṭ nnec?

Luqa 6:43

War ṯeǧi ṯcejjarṯ ṯaṣebḥant tarew min iǧan ḏ aƹeffan. War ṯeǧi ƹaweḏ ṯcejjarṯ ṯaƹeffant tarew min iǧan ḏ aṣebḥan.

Ȓexḏayem 13:10

Inna-as: "Cek ḏ mmis n Ibȓis. Cek ḏ ȓaƹḏu n qaƹ min iǧan nican, ṯeccureḏ s lḥila ḏ ṯeḥraymect! Ma ƹaḏ ṯrezzuḏ aḏ tƹewwjeḏ ibriḏen iy iǧan nican n Siḏi Arebbi?

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 8:21

War ɣarek itiȓi bu umcan uȓa ḏ ȓḥaqq ḏi ȓxeḏmeṯ-a ȓaḥeqqac uȓ nnec war iǧi ca nican ak Arebbi.

Ayṯ-Ruma 2:1

Iḏen ay aryaz, cek meȓa tƹeyyabeḏ x yiwḏan, ataf war ɣarek bu ȓḥaqq min ma ṯeƹniḏ. Liʼanna xmi tƹeyyabeḏ x can yijjen, tƹeyyabeḏ x yixef nnec, mayemmi? Liʼanna cek teggeḏ kif-kif mammec teggen niṯni!

2 Ayṯ-Kurinṯ 5:18

Manaya marra zi Arebbi, isemṣȓaḥ-aneɣ akiḏes s Lmasiḥ yuca-aneɣ-d a nbeccar s ȓƹaheḏ n ṣṣulḥ.

2 Timutawus 2:21

Wenni issiṣfan ixef nnes zi marra ṯimesȓayin nni ṯiƹeffanin ataf aḏ yiȓi am ȓeqcuƹ nni iy twasteƹmalen i min iǧan ḏ ccan, netta aḏ yiȓi iṣfa aḏ yiȓi ineffeƹ i Bab nnes, aḏ yiȓi iwjeḏ i kuȓ ȓxeḏmeṯ ṯaṣebḥant.

2 Buṭrus 1:9

Qa wenni umi war ḏi ǧint ca ṯimesȓayin-a, ataf netta war itwiȓi ca mliḥ ɣar ȓeggwaj qa itwaḥsab ḏ aḏarɣaȓ ataf ƹaweḏ itettu belli Arebbi iɣfar-as ȓmuƹṣiyaṯ nnes tuɣa igga zi qbeȓ.