Luqa 6:35 - Ṯarifiṯ 2020

³⁵ Walakin xseṯ ȓƹaḏyan nwem, ggeṯ ḏaysen ȓxir. Reḍȓeṯ war trajaṯ walu. Uca aɣarwem yiȓi lʼajar ḏ ameqqran, aḏ tiȓim ḏ ṯarwa n Arebbi Yuƹȓan. Minzi netta ḏ aṣebḥan ak yinni war ṯ itcekkaren ca ḏ yinni iteggen ccarr.

Luqa 6:35 Kruisverwysings

Matta 5:9

Ssaƹḏ nsen i yinni iṣeǧḥen iwḏan, aqa niṯni aṯen semman amecnaw ṯarwa n Arebbi.

Marqus 5:7

Indeq-d s yijjen n ṯmijja ṯejheḏ inna-as: "A Ƹisa a Mmis n Arebbi yuƹȓan, min ṯexseḏ zzayi? Tettareɣ zzayek i Arebbi ḥima war ḏayi tƹeddibeḏ ca!"

Luqa 1:32

Aḏ yiȓi imɣar, ataf tȓaɣan-as a Mmis n Wenni Yuƹȓan. Aḏas yuc Siḏi Arebbi nnes lƹarc n jeddis ameqqran Dawed.

Luqa 6:36

Reḥmeṯ iwḏan mammec ireḥḥem Babaṯwem.

Yuḥanna 13:35

Meȓa kenniw tḥibbim ayawya, ataf aḏ ssnen marra qa kenniw ḏ imeḥḍaren inu."

Yuḥanna 15:8

Aḏ tarwem izekkunen aṭṭas, aḏ tiȓim ḏ imeḥḍaren inu. S manaya itwasemɣar Baba.

Ȓexḏayem 14:17

Walakin Arebbi isbeyyan-awem-d ixef nnes s min ixeddem, iƹni itegg ȓxir iticc-awem anẓar zeg ujenna ḏ ṯfeǧaḥṯ ḏi ȓweqṯ nnes. Iteccar-awem uȓawen nwem s ȓefraḥeṯ."

2 Ayṯ-Kurinṯ 8:9

Aqa ṯessnem arḍa n Siḏiṯneɣ Ƹisa Lmasiḥ. Tuɣa netta ɣares kuȓci, walakin ƹlaḥsab neccin ismeḥ ḏi kuȓci manayenni bac aɣarneɣ yiȓi kuȓci s manayenni iy ḏi ismeḥ.

2 Timutawus 3:2

Qa iwḏan aḏ texsen ixef nsen, aḏ texsen tmenyaṯ, aḏaysen yiȓi ttakebbur, aḏ semɣaren ixef nsen, aḏ ssiwȓen awaȓ war iḥȓin x Arebbi. War tṭiƹin ca i lwalidin nsen, war tcekkaren ḥadd, war tiȓin ca ṣfan,