Luqa 6:27 - Ṯarifiṯ 2020

²⁷ Aḏawem iniɣ a yinni itesȓan: Xseṯ ȓƹaḏyan nwem, ggeṯ ȓxir ḏeg yinni kenniw itƹiffan.

Luqa 6:27 Kruisverwysings

Marqus 4:24

Inna-asen: "Arrem-d ȓbaȓ nwem i min tesȓam. Ȓaƹbar iy ṯsexḏamem ḏ wenni iy kiḏwem ɣa isexḏem Arebbi u ƹaḏ ktar.

Luqa 23:34

Inna Ƹisa: "A Baba, ɣfar iwḏan-a qa war ssinen ca min teggen." Ȓƹaskar nni ggin lqurƹa x warruḍ nnes ḥima kuȓ ijjen min ɣa iysi.

Luqa 6:22

Ssaƹḏ nwem meȓa tƹiffan-kenniw yiwḏan, war kenniw qebȓen ssawaȓen ḏaywem s ȓƹib, tzawaren-kenniw ƹlaḥsab Mmis n bnaḏem.

Luqa 6:35

Walakin xseṯ ȓƹaḏyan nwem, ggeṯ ḏaysen ȓxir. Reḍȓeṯ war trajaṯ walu. Uca aɣarwem yiȓi lʼajar ḏ ameqqran, aḏ tiȓim ḏ ṯarwa n Arebbi Yuƹȓan. Minzi netta ḏ aṣebḥan ak yinni war ṯ itcekkaren ca ḏ yinni iteggen ccarr.

Luqa 8:15

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ s wuȓ nsen aṣebḥan ḏ acemȓaȓ, ṣebbaren ḥima aḏ arwen.

Luqa 8:18

Arrem-d ȓbaȓ nwem i mammec tesȓam. Wenni iǧan ɣares itmarni-yas. Walakin wenni war ɣar iǧi ca, itwaksi-yas uȓa ḏ min ḏas itɣir ɣares."

Luqa 8:8

Can zzarriƹeṯ ṯewḍa x ṯmurṯ ṯaṣebḥant. Ṯuȓi-d ṯemɣar ṯegga ṯiyḏerin, kuȓ icten ṯurew miyya." Wami ikemmeȓ wawaȓ-a inna s jjheḏ: "Ṣenneṭ mliḥ a wenni itsȓan."

Ȓexḏayem 16:28

Iȓaɣa-yas-d Bulus s jjheḏ inna-as: "Lla! Ɣarek aḏ tḍarreḏ ixef nnec, qa neccin ƹaḏ aqaneɣ ḏa marra iḏneɣ!"

Ȓexḏayem 7:60

Iwḍa x ifadden inna-as s jjheḏ: "A Siḏi, war xasen ḥesseb ca ȓmuƹṣiyeṯ-a!" Wami inna manaya ṣafi iffeɣ-iṯ buḥbeȓ nnes.

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.

1 Ayṯ-Salunik 5:15

Arrem-d ȓbaȓ nwem, itxeṣṣa uȓa ḏ ijjen war itxeǧis ccarr s ccarr nneɣni; Lla, ȓebda rezzuṯ min iǧan ḏ aṣebḥan jarawem ḏ jar yiwḏan marra.

3 Yuḥanna 1:11

Ay uma inu iƹizzen, war tqellad ca min iǧan ḏ aƹeffan; Lla, qelled min iǧan ḏ aṣebḥan. Wenni iteggen min iǧan ḏ aṣebḥan netta zi Arebbi; Wenni iteggen min iǧan ḏ aƹeffan netta war itwiȓi ca Arebbi.