Luqa 5:8 - Ṯarifiṯ 2020

⁸ Simƹan Buṭrus wami iẓra manaya yusa-d iwḍa ɣar iḍaren n Ƹisa inna-as: "A Siḏi, beƹƹeḏ xafi nec ḏ lƹaṣi."

Luqa 5:8 Kruisverwysings

Matta 17:6

Wami sȓin imeḥḍaren ṯmijja nni ggwḏen sejjḏen ɣar ṯmurṯ.

Matta 2:11

Uḏfen ṯaddarṯ nni, ufin aḥenjir nni ak yemmas Maryam, wḍan x ifadden nsen sejjḏen-as. Kksen-d ȓeknuz nsen, iƹni ddheb ḏ tbaxur lluban ḏ yijjen n ȓḥajeṯ ḏ tufuḥ qqaren-as murr, ucin-as-ṯen ḏ lhadiyaṯ.

Matta 8:8

Indeq-d uƹaskari nni ameqqran inna-as: "Lla a Siḏi, nec war sḏihiǧeɣ ca aḏ taḏfeḏ ɣar ṯeddarṯ inu. Ini ɣir ijjen n wawaȓ u ṣafi ataf aḏ igenfa uxeddam inu.

Luqa 5:7

Ceyyaren imeddukaȓ nsen ḏi ṯɣarrabut nni nneɣni ḥima aḏ d asen aṯen ƹawnen. Usin-d ƹemmaren ṯnayen n ṯɣarruba nsen aȓ wami ƹȓayen aḏ ɣerqent.

Luqa 5:9

Iḏhec netta ḏ yinni akiḏes marra ȓaḥeqqac ḥeǧqen-d aṭṭas n iseȓman.

Yuḥanna 11:32

Wami d tusa Maryam mani iǧa Ƹisa, ṯeẓri-ṯ ṯewḍa-yas ɣar iḍaren nnes ṯenna-as: "A Siḏi, maƹlik aqac ḏanita iȓi war immuṯ ca uma."

1 Ayṯ-Kurinṯ 13:12

Aqa ȓexxu nxezzar ḏeg yijjen n ṯisiṯ war ṯeṣfi ca, maca menbaƹd a nemẓer mliḥ qara ḏi qara. Ȓexxu min ssneɣ ḏ aneqṣi ig iǧa, menbaƹd aḏ ssneɣ nec ṯimesȓayin marra, kif-kif mammec twassneɣ nec ḏanita.

Lwaḥi 1:17

Wami ṯ ẓriɣ uḍiɣ-as ɣar iḍaren nnes axmi mmuṯeɣ. Isers-d xafi fus nnes afusi inna-ayi: "War teggweḏ ca!" Inna-ayi: "Qa nec ḏ amezwaru ḏ aneggaru.