Luqa 4:34 - Ṯarifiṯ 2020

³⁴ inna-as i Ƹisa: "Min ḏayneɣ ṯrezzuḏ a Ƹisa Naṣiri? Ma ṯusiḏ-d axaneɣ ṯeqḍiḏ? Nec qa ssneɣ min ṯeƹniḏ; cek ḏ Lƹaḍim n Arebbi!"

Luqa 4:34 Kruisverwysings

Matta 8:29

Ƹeyyḍen nnan-as: "Min ṯexseḏ zzayneɣ a Mmis n Arebbi? Ma ṯusiḏ-d aḏaneɣ ṯƹeddbeḏ qbeȓ i ȓweqṯ?"

Marqus 1:24

inna-as: "Min ṯrezzuḏ zzayneɣ a Ƹisa Naṣiri? Ma ṯusiḏ-d axaneɣ ṯeqḍiḏ? Nec qa ssneɣ min ṯeƹniḏ; cek ḏ Lƹaḍim n Arebbi!"

Marqus 1:34

Isgenfa aṭṭas n imehȓac ḏaysen lʼanwaƹ n ȓehȓacaṯ. Isufeɣ aṭṭas n jnun, war ṯen ijji ca aḏ ssiwȓen minzi jnun-a ssnen min iƹna.

Marqus 5:7

Indeq-d s yijjen n ṯmijja ṯejheḏ inna-as: "A Ƹisa a Mmis n Arebbi yuƹȓan, min ṯexseḏ zzayi? Tettareɣ zzayek i Arebbi ḥima war ḏayi tƹeddibeḏ ca!"

Luqa 1:35

Indeq-d lmalak nni inna-as: "Axam d ihwa Arruḥ iqeddsen ḏ jjheḏ n Wenni Yuƹȓan axam yarr ṯiȓi. S manayenni aḥenjir iqeddsen iy ɣa d ṯejjeḏ ataf tȓaɣan-as a Mmis n Arebbi.

Luqa 4:33

Ufin ḏi ṯemziḏa nni ijjen n uryaz ḏayes ijjen n jjenn ḏ aƹeffan. Ibḏa isnekkar ṯɣuyyeṯ s jjheḏ

Luqa 4:41

Zeg waṭṭas n yiwḏan ƹaweḏ teffɣen jnun snekkaren ṯɣuyyeṯ qqaren-as qa cek ḏ Mmis n Arebbi." Walakin netta itzeyyar-iṯen, war ṯen itejji ca aḏ ssiwȓen minzi ssnen netta ḏ Lmasiḥ.

Luqa 8:28

Wami yufa Ƹisa ḏinni ibḏa isnekkar ṯɣuyyeṯ, iwḍa ɣar iḍaren n Ƹisa indeq-d s yijjen n ṯmijja ṯuƹȓa inna-as: "A Ƹisa a Mmis n Arebbi Yuƹȓan, min ṯexseḏ zzayi? Tettareɣ zzayek ḥima war ḏayi tƹeddibeḏ ca!"

Luqa 8:37

Uca ttaren zi Ƹisa marra ayṯbab n jjiheṯ n ijariṯiyen ḥima axasen ibeƹƹeḏ minzi ggwḏen aṭṭas. Inya ḏi ṯɣarrabut iƹqeb ssenni.

Ȓexḏayem 16:39

Usin-d ɣarsen tettaren zzaysen aḏasen samḥen, sufɣen-ṯen zi ȓeḥbes ttaren zzaysen aḏ ffɣen zi ṯendint.

Ȓexḏayem 2:27

War ṯsemmḥeḏ ca ḏi ȓaƹmar inu ḏi Lʼaxira, war tejjiḏ ca Lƹaḍim nnec aḏ ikiccew.

Ȓexḏayem 3:14

Wenni iǧan ƹaḍim ḏ ṣṣaliḥ ṯenkarem-ṯ, wenni iǧan ḏ ameḥbus ḏ lmujrim ṯettarem xas i Bilaṭus aḏawem d itwaḍȓeq.

Ȓexḏayem 4:27

Li'anna ḏ ṣṣaḥ azeǧiḏ Hirudus ḏ lḥakem Bunṭyus Bilaṭus munen ak Ayṯ-Israʼil ḏ yinni war iǧin ca zi Ayṯ-Israʼil ḏi ṯendint-a. Tafqen ḍed i uxeddam nnec iqeddsen Ƹisa iy ṯixḍareḏ.

Iƹibraniyen 2:14

Iḏen ṯarwa-ya niṯni ḏ iwḏan ḏaysen marra aysum ḏ iḏammen. X manaya Ƹisa uȓa ḏ netta ḏayes ṯimesȓayin-a. Ammu s ȓmewṯ nnes isbeṭṭeȓ zzaƹim n ȓmewṯ iƹni ḏ Ibȓis.

Yaƹqub 2:19

Cek tamneḏ belli Arebbi netta ḏ ijjen? Iwa mliḥ, walakin uȓa ḏ ccayaṭin tamnen s manayenni terjijin.

1 Yuḥanna 3:8

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.

Lwaḥi 20:2

Iṭṭef wenni iggin am ddaynaṣur netta ḏ fiɣer nni n zman iƹni Ibȓis niɣ ḏ Cciṭan, iqqen-iṯ iḥbes-iṯ aȓaf n iseggwusa.

Lwaḥi 3:7

Ari-yas i lmalaʼika n jmaƹṯ n ȓmuminin iy iǧan ḏi ṯendint n Filadalfya, ini-yas qa wenni imqeddsen ḏ ȓḥaqq, ɣares ȓmeftaḥ n Dawed; meȓa irzem ataf war ṯ itbelliƹ ḥadd; meȓa ibelleƹ ataf war ṯ irezzem ḥadd, iqqar-ac: