Luqa 4:23 - Ṯarifiṯ 2020

²³ Inna-asen Ƹisa: "Bȓa ccekk aḏayi ṯinim ȓmaƹna-ya: Cek ay aḍbib mȓi ṯeddawiḏ, iȓi ṯeddawiḏ ixef nnec. Aḏayi ṯinim ƹaweḏ qa min nesȓa iweqƹen ḏeg ubilaj n Kafernaḥum, ȓexxu manayenni egg-iṯ uȓa ḏanita ḏi ṯmurṯ nnec."

Luqa 4:23 Kruisverwysings

Matta 13:54

Iḏweȓ ɣar ṯmurṯ nnes ibḏa iseȓmaḏ ḏi ṯemziḏa nsen. Tƹejjben ḏayes nnan: "Mani yufa ȓefhameṯ-a iy ḏas immucen ḏ lmuƹjizaṯ-a?

Matta 4:13

Walakin war iqqim ca ḏi Naṣira, iruḥ aḏ izḏeɣ ḏeg yijjen n ubilaj qqaren-as Kafernaḥum ig iǧan x ṭṭarf n ȓebḥar n Ljalil, jjiheṯ n ṯmurṯ n Zafulun ḏ Naftali.

Matta 4:23

Iggur Ƹisa ḏi lʼiqlim n Ljalil marra, iseȓmaḏ ḏi ṯemziḏawin n Ayṯ-Israʼil itbeccar-iṯen s Lʼinjil n ȓmulk n Arebbi isgenfa marra ȓehȓacaṯ ḏ ddiƹan n ddat ḏeg yiwḏan.

Marqus 6:1

Iffeɣ ssenni Ƹisa iḏweȓ ɣar ṯmurṯ nnes, ḏfaren-ṯ imeḥḍaren nnes.

Luqa 2:39

Wami Yusef ḏ Maryam ṣafi kemmȓen marra min zzaysen ṯumar Ccariƹa n Siḏ Arebbi, ḏewȓen ɣar ṯmurṯ n Ljalil ɣar ubilaj nsen n Naṣira.

Luqa 2:51

Iḏweȓ-d akiḏsen ɣar Naṣira itegg-asen array. Yemmas txemmam ḏi marra manaya ḏeg wuȓ nnes.

Luqa 4:16

Yusa-d ɣar ubilaj n Naṣira mani irebba. Nhar n ssebṯ n lƹibada iruḥ ɣar ṯemzida am ȓebda, ikkar ḥima aḏ iɣar.

Luqa 4:31

Iruḥ Ƹisa ɣar ubilaj n Kafernaḥum ig iǧan ḏi ṯmurṯ n Ljalil, ibḏa iseȓmaḏ iwḏan ḏinni ḏi nhar n lƹibada nsen kuȓ ssebṯ.

Luqa 4:35

Izeyyar-iṯ Ƹisa inna-as: "Stuk cek, ffeɣ zzayes!" Iseɣḍeȓ jjenn aryaz nni ɣar ṯmurṯ ḏi ȓwesṭ nsen ȓexddenni iffeɣ zzayes war ḏas iggi walu.

Luqa 6:42

Mammec teggeḏ ṯzeƹƹmeḏ aḏ tiniḏ i wumac: Ay uma, ejj-ayi aḏac d kkseɣ ȓum-a ig iǧan ḏi ṯiṭṭ nnec, cek ƹaḏ tejjiḏ akeccuḍ ḏi ṯiṭṭ nnec? A lmunafiq, kkes ḏ amezwaru akeccuḍ zi ṯiṭṭ nnec. Ƹaḏ iy ɣa ṯetwaȓiḏ mliḥ ḥima aḏ tekkseḏ ȓum ig iǧan ḏi ṯiṭṭ n wumac!

Yuḥanna 4:28

Ṯejja ṯemɣarṯ nni aqḏiḥ nnes ṯruḥ ɣar ṯendint, ṯenna-asen i yiwḏan:

2 Ayṯ-Kurinṯ 5:16

X manayenni, zi ssa aȓ ṯsawent neccin war nxezzar ca ḏi ḥadd ƹlaḥsab ȓaƹqeȓ n ddunect-a. Waxxa nxezzar qbeȓ ḏi Lmasiḥ ƹlaḥsab ȓaƹqeȓ n ddunect-a, ȓexxu war ṯ netwiȓi ca amenni.