Luqa 3:16 - Ṯarifiṯ 2020

¹⁶ Ijaweb-iṯen Yaḥya marra inna-asen: "Qa nec ṭehhareɣ-kenniw s waman, walakin aḏ d yas ijjen ijheḏ xafi, war sḏihiǧeɣ ca aḏas fesyeɣ uȓa ḏ ifiȓan n ṯsiȓa nnes. Netta akenniw iṭehhar s Arruḥ iqeddsen ḏ yiȓesawen n ṯmessi.

Luqa 3:16 Kruisverwysings

Matta 3:11

Nec tṭehhareɣ-kenniw s waman bac aḏ tubem, walakin wenni iy d ɣa yasen menbaƹd i nec, netta ijheḏ xafi. War sḏihiǧeɣ ca aḏas ysiɣ uȓa ḏ ṯisiȓa nnes. Netta akenniw iṭehhar s Arruḥ iqeddsen ḏ yiȓesawen n ṯmessi.

Matta 3:12

Ɣares ṯazzarṯ ḏeg ufus ḥima aḏ izuzzar ṯaffa nnes qaƹ, aḏ ismun ṯiḥebba n yirḏan aṯent igg ḏi ṯesrafṯ. Min war ineffƹen ca aṯ issecmeḍ ḏi ṯmessi iy war ixessin ƹemmarṣ."

Yuḥanna 1:26

Indeq-d Yaḥya inna-asen: "Nec tṭehhareɣ i yiwḏan s waman, walakin ḏanita ijjen ḏi ȓwesṭ nwem war ṯ ṯessinem ca.

Yuḥanna 1:27

Ḏ netta iy d ɣa yasen menbaƹd i nec, war sḏihiǧeɣ aḏas fesyeɣ uȓa ḏ ifiȓan n ṯsiȓa nnes."

Yuḥanna 1:33

Tuɣa nec war ṯ ssineɣ ca min iƹna, walakin ḏ Arebbi iy ḏayi d issekken aḏ ṭehhareɣ i yiwḏan s waman, netta inna-ayi: Wenni ɣa ṯeẓreḏ ihwa-d xas Arruḥ imars xas, ḏ netta iy ɣa iṭehharen i yiwḏan s Arruḥ iqeddsen.

Yuḥanna 7:38

Mammec inna Lkitab x wenni zzayi ɣa yamnen: Azzayes azzȓen iɣezran n waman iseddaren."

Ȓexḏayem 1:5

Iƹni Yaḥya iṭehhar i yiwḏan s waman, kenniw war ḏawem iqqim ca aḏ twaṭehharem s Arruḥ iqeddsen."

Ȓexḏayem 10:44

Wami ƹaḏ issawaȓ Buṭrus ḏi manaya, yusa-d Arruḥ iqeddsen ihwa-d x marra yinni itesȓan i wawaȓ nnes.

Ȓexḏayem 2:33

Wami itwarfeƹ ɣar ufusi n Arebbi, iysi zi Babas Arruḥ iqeddsen iy zi ṯ iwƹeḏ, isfareɣ-d Ƹisa manaya iy twaȓam ȓexxu ḏ manaya iy ṯesȓam.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.