Luqa 24:44 - Ṯarifiṯ 2020

⁴⁴ Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

Luqa 24:44 Kruisverwysings

Matta 1:22

Qa ḏ manaya marra ig iweqƹen ḥima aḏ ikemmeȓ wawaȓ iy inna Siḏi Arebbi i nnabi Icaƹya ḏeg yijjen n zman:

Matta 16:21

Ssenni ibḏa Ƹisa isfehham i imeḥḍaren nnes belli labud aḏ iraḥ netta ɣar ṯendint n Lquds aḏ itwaƹeddeb x waṭṭas n ṯmesȓayin x ufus n imeqqranen n Ayṯ-Israʼil ḏ arruyas n ȓfuqaha ḏ imseȓmaḏen n ccariƹa. Aṯ nɣen, wis ṯeȓtiyyam aḏ d itwasekkar zi ȓmewṯ."

Matta 26:54

Walakin mammec iy ɣa ikemmeȓ wawaȓ iy inna Siḏi Arebbi belli manaya itxeṣṣa aḏ iwqeƹ ammu?"

Matta 26:56

Walakin marra manaya iwqeƹ ḥima aḏ ikemmeȓ min yurin ḏi Lkutub n lʼanbiya." Uca semḥen ḏayes marra imeḥḍaren nnes arewȓen.

Marqus 9:31

minzi irezzu aḏ iseȓmaḏ i imeḥḍaren nnes. Inna-asen: "Mmis n bnaḏem aḏ itwasellem ɣar ifassen n yiwḏan. Aṯ nɣen, nhar wis ṯeȓtiyyam menbaƹd i ȓmewṯ nnes aḏ d ikkar."

Luqa 21:22

Aqa ȓiyyam nni ḏ ȓiyyam n uƹmuḏ, aḏaysen ikemmeȓ marra min yurin ḏi Lkutub n lʼanbiya.

Luqa 22:37

Aḏawem iniɣ: U labud aḏayi iwqeƹ min yurin ḏi Lkitab ƹlaḥsab mamc iqqar: <Ḥesben-ṯ ak lmujrimin.> Iwa min xafi yurin ṣafi aḏ iwqeƹ."

Luqa 24:46

Inna-asen: "Ammu iy yura ḏi Lkitab qa itxeṣṣa i Lmasiḥ aḏ itwaƹeddeb aḏ d ikkar zi ȓmewṯ wis ṯeȓtiyyam.

Luqa 9:22

Inna-asen i imeḥḍaren nnes: "Mmis n bnaḏem labud aḏ itwaƹeddeb x waṭṭas n ṯmesȓayin, aṯ ƹiffen imeqqranen n Ayṯ-Israʼil ḏ arruyas n ȓfuqaha ḏ imseȓmaḏen n ccariƹa. Aṯ nɣen, wis ṯeȓtiyyam aḏ d itwasekkar zi ȓmewṯ."

Luqa 9:44

"Ṣennṭeṯ mliḥ i wawaȓ-a iy ḏawem ɣa iniɣ: Mmis n bnaḏem ƹȓayen aḏ itwasellem ɣar ifassen n yiwḏan."

Yuḥanna 3:14

Amecnaw mammec isbedd Musa fiɣer n neḥḥas x ṯeḥnact ḏi ȓexȓa, ammu itxeṣṣa aḏ itwasbedd Mmis n bnaḏem ḏeg ujenna.

Yuḥanna 5:39

Ṯrezzum ḏi Lkutub kenniw tɣir-awem ḏaysen ṯuḏarṯ n ȓebda. Iwa uȓa ḏ yina cehhḏen xafi.

Yuḥanna 5:46

Maƹlik kenniw ṯumnem ḏi Musa, iȓi ṯumnem ḏayi uȓa ḏ nec minzi netta yura xafi.

Ȓexḏayem 13:40

Iwa ḥḍaṯ ixef nwem bac war ḏawem itewqiƹ ca min urin lʼanbiya:

Ȓexḏayem 2:27

War ṯsemmḥeḏ ca ḏi ȓaƹmar inu ḏi Lʼaxira, war tejjiḏ ca Lƹaḍim nnec aḏ ikiccew.

Ȓexḏayem 3:18

Ammu ikemmeȓ wawaȓ nnes iy inna Arebbi i marra lʼanbiya zi qbeȓ, iƹni itxeṣṣa Lmasiḥ nnes aḏ itwaƹeddeb.

Ȓexḏayem 7:37

Ḏ Musa-ya iy ḏasen innan i Ayṯ-Israʼil: Aḏawem d yuc Arebbi ijjen n nnabi zeg ayṯmaṯwem am nec.

Iƹibraniyen 10:1

Cuf, Ccariƹa n Musa nettaṯ ɣir ḏ ijjen n ṯiȓi n ṯmesȓayin ṯiṣebḥanin iy d ɣa yasen, war ṯeǧi ca nettaṯ ḏ ṯimesȓayin nni ḏ ṣṣaḥ. X manaya, dbiḥaṯ nni n ccariƹa iy teggen zi lƹam ɣar lƹam war zemmarent ƹemmarṣ aḏ ssiṣfant yinni itqarraben ɣar Arebbi aḏ iȓin bȓa ȓƹib.

Iƹibraniyen 3:5

Tuɣa nnabi Musa ixeddem nican ḏ amsexxar, itƹawan ayṯbab n ṯeddarṯ ṯekmaȓ n Arebbi, icehheḏ x ṯmesȓayin tuɣa ƹaḏ iy ɣa itwabeccaren ḏi lmustaqbel.

Iƹibraniyen 7:1

Cuf, Malikiṣadiq nni tuɣaṯ netta ḏ azeǧiḏ n ṯendint n Salim ḏ ȓefqi n Siḏi Arebbi Yuƹȓan. Iruḥ imeȓqa ak Brahim ibarek-iṯ. Manaya iwqeƹ wami d itrewwaḥ Brahim zi ȓḥarb nni iy ḏi iɣȓeb izeǧiḏen.

Iƹibraniyen 9:8

Min ḏaneɣ d isbiyyen Arruḥ iqeddsen ḏi manaya? Isbiyyen-aneɣ-d meȓa ƹaḏ iqqim Uqiḍun nni Ameqqran, ataf war innurzem ca ubriḏ ɣar min iǧan ḏ amqeddes aṭṭas.

1 Buṭrus 1:11

Tuɣa rezzun xas bac aḏ ssnen meȓmi d ɣa imeḍhar usenjem-a ḏ ḍḍuruf nnes. Rezzun aḏ ssnen minxef issawaȓ Arruḥ n Lmasiḥ iy iǧan ḏaysen wami Arruḥ-a iƹȓem-asen zi qbeȓ mecḥaȓ iy ɣa itwaƹeddeb Lmasiḥ, ssenni mecḥaȓ iy ɣa itwasemɣar menbaƹd.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."