Luqa 24:39 - Ṯarifiṯ 2020

³⁹ Xzarem ifassen inu ḏ iḍaren inu, aqa ḏ nec. Ḥaḏam-ayi, xzarem. Aqa ȓexyaȓ war ḏayes bu uysum uȓa ḏ yixsan ammu iy ḏayi twaȓam nec."

Luqa 24:39 Kruisverwysings

Luqa 23:46

Iȓaɣa Ƹisa s yijjen n ṯmijja ṯejheḏ inna: "A Baba, nec buḥbeȓ inu sellmeɣ-ac-ṯ ḏeg ifassen nnec." Wami inna manaya yarra nnefs ṣafi immuṯ.

Luqa 24:38

Inna-asen: "Min kenniw yuɣin ṯenxeȓƹem? Mayemmi uȓawen nwem ḏaysen ccekk?

Luqa 24:40

Inna-asen manaya, isbeyyen-asen-d ifassen nnes ḏ iḍaren nnes.

Yuḥanna 20:20

Inna-asen manaya, isbeyyen-asen-d ifassen nnes ḏ uɣezḏis nnes. Farḥen imeḥḍaren wami ẓrin Siḏiṯsen.

Yuḥanna 20:25

Nnan-as imeḥḍaren nni nneɣni qa neẓra Siḏiṯneɣ! Ikkar Tuma inna-asen: "Meȓa war ẓriɣ ca lʼaṯar n imesmiȓen ḏeg ifassen nnes aḏ ggeɣ ḍaḍ inu ḏeg umcan n imesmiȓen nni, aḏ serseɣ fus inu x uɣezḏis nnes, war timneɣ ca."

Yuḥanna 20:27

Inna-as i Tuma: "Egg ḍaḍ nnec ḏanita, xzar ifassen inu. Sers fus nnec x uɣezḏis inu. War tcekka ca; Lla, amen."

Ȓexḏayem 1:3

Wami iƹḏu ȓaƹḏab n ȓmewṯ nnes, itmeḍhar-asen-d x yijjen n arbeƹin yum isefham-iṯen mebȓa ccekk netta aqa iddar. Itas-d ɣarsen issawaȓ akiḏsen x ȓmulk n Arebbi.

1 Ayṯ-Salunik 5:23

Arebbi nneɣ n ȓehna akenniw issiṣfa ḏeg yixef nwem qaƹ. Buḥbeȓ nwem ḏ ȓaƹmar nwem ḏ ddat nwem aḏ qqimen kemȓen bȓa ȓƹib aȓ d ɣa yas Siḏiṯneɣ Ƹisa Lmasiḥ.

Iƹibraniyen 12:9

U ƹaweḏ neccin marra tuɣa ɣarneɣ lwalidin ḏi ddunect-a iy ḏaneɣ itrebban netseḏḥa zzaysen. Iwa neccin meȓa a neddar, ataf a nseḏḥa zi Babaṯneɣ n ujenna ktar niɣ lla?

1 Yuḥanna 1:1

Min tuɣa ḏinni zeg umezwaru, netsȓa-yas neẓẓer-iṯ s ṯiṭṭawin nneɣ, nxezzar ḏayes netḥaḏa-ṯ s ifassen nneɣ iƹni ḏ Awaȓ n ṯuḏarṯ.