Luqa 23:5 - Ṯarifiṯ 2020

⁵ Walakin niṯni zeyyaren xas aṭṭas nnan-as: "Itegg ȓfitna ḏi marra ṯamurṯ n Yahuḏiya s useȓmeḏ nnes. Ibḏa ḏi ṯmurṯ n Ljalil, ȓexxu aqaṯ ḏa."

Luqa 23:5 Kruisverwysings

Matta 11:1

Wami ikemmeȓ Ƹisa ȓuṣiyaṯ i ṯenƹac n imeḥḍaren nnes, yuyur ssenni iruḥ ḥima aḏ iseȓmeḏ aḏ iḥeddeṯ ḏi ṯneddam iy d yuḏsen jjiheṯ nni.

Matta 2:1

Wami d ixȓeq Ƹisa ḏeg ubilaj n Bayt Laḥm ḏi ṯmurṯ n Yahuḏiya ḏi ȓweqṯ n uzeǧiḏ Hirudus, usin-d can yiwḏan zeg yinni iqqaren lƹilem n yiṯran zi ccarq ɣar ṯendint n Lquds.

Matta 27:24

Wami yufa Bilaṭus belli war iqḍi walu arnin ḏi lfawḍa, iysi aman isireḏ ifassen nnes zzaṯ i ȓɣaci nni inna-asen: "Aqa nec tberriɣ azeǧif inu zeg iḏammen n uryaz-a! Aqaṯ x yiri nwem!"

Matta 4:23

Iggur Ƹisa ḏi lʼiqlim n Ljalil marra, iseȓmaḏ ḏi ṯemziḏawin n Ayṯ-Israʼil itbeccar-iṯen s Lʼinjil n ȓmulk n Arebbi isgenfa marra ȓehȓacaṯ ḏ ddiƹan n ddat ḏeg yiwḏan.

Marqus 1:14

Wami ḥebbsen Yaḥya, yuyur Ƹisa iruḥ ɣar ṯmurṯ n Ljalil itbeccar ḏinni s Lʼinjil n Arebbi.

Luqa 11:53

Wami ssenni iffeɣ, bḏan imseȓmaḏen n ccariƹa ḏ ȓḥizeb n ifarrisiyen tƹarraḍen-ṯ ktar, tseddaƹen-ṯ x waṭṭas n ṯmesȓayin.

Luqa 23:23

Niṯni snekkaren ṯɣuyyeṯ s jjheḏ ḥima aṯ iṣelleb, ṣafi ṯɣuyyeṯ nsen ṯeqȓeb-as array.

Luqa 23:6

Wami isȓa Bilaṭus belli nnan Ljalil, inna-asen: "Ma aryaz-a zi ṯmurṯ n Ljalil?"

Yuḥanna 1:43

Ṯiwecca nnes Ƹisa ixes aḏ iraḥ ɣar ṯmurṯ n Ljalil. Iruḥ yufa ijjen qqaren-as Filippas inna-as: "Ḏfar-ayi-d!"

Yuḥanna 19:15

Walakin tƹeyyaḍen s jjheḏ qqaren: "Ysi-ṯ ysi-ṯ, ṣelleb-iṯ!" Inna-asen Bilaṭus: "Ma aḏ ṣellbeɣ azeǧiḏ nwem?" Arrin xas arruyas n ȓfuqaha nnan-as: "War ɣarneɣ bu uzeǧiḏ illa Qayṣar!"

Yuḥanna 2:11

Ṯanita ḏ lmuƹjiza ṯamezwarut ig igga Ƹisa. Iggi-t ḏeg ubilaj n Qana ḏi ṯmurṯ n Ljalil. Ismeḍhar-d lƹaḍama nnes, umnen zzayes imeḥḍaren nnes.

Yuḥanna 7:41

Inneɣni nnan: "Netta ḏ Lmasiḥ." Walakin ȓebƹaḍ zzaysen nnan: "Ma aḏ d yas Lmasiḥ zi ṯmurṯ n Ljalil?

Yuḥanna 7:52

Nnan-as: "Ma cek ƹaweḏ zi ṣḥab n Ljalil? Rzu ḏi Lkutub xzar, uȓa ḏ ijjen n nnabi war d yusi ca zi ṯmurṯ n Ljalil."

Ȓexḏayem 10:37

Kenniw qa ṯessnem min iweqƹen ḏi marra ṯamurṯ n Yahuḏiya. Aqa nnabi Yaḥya tuɣa itbeccar iwḏan ḥima aḏ twaṭehharen s waman. Ssenni zi ṯmurṯ n Ljalil ibḏa Ƹisa naṣiri itbeccar, iccur-iṯ Arebbi s jjheḏ ḏ Arruḥ iqeddsen. Netta itraḥ zeg umcan ɣar umcan itegg ȓxir isgenfa marra yinni itƹeddab Ibȓis minzi Arebbi aqaṯ akiḏes.

Ȓexḏayem 23:10

Wami bḏan tmenɣan s jjheḏ ƹlaḥsab lxilaf nni, iggweḏ arrayes n ȓƹaskar aḏ mezqen Bulus. Yumar ȓƹaskar nnes aḏ hwan aḏ d xeḍfen Bulus zi ȓwesṭ nsen, aṯ siȓin ɣar lqecla.

Ȓexḏayem 5:33

Wami sȓin i wawaȓ-a xeyyqen ɣeḍben rezzun aṯen nɣen.

Ȓexḏayem 7:54

Wami sȓin Jmaƹeṯ nni n lḥukkam n Ayṯ-Israʼil awaȓ n Stifan, xeyyqen ɣeḍben, tɣeẓẓaẓen ɣares ṯiɣmas.

Ȓexḏayem 7:57

Snekkaren ṯɣuyyeṯ s jjheḏ bellƹen x imejjan nsen, hejmen xas marra iḏsen.