Luqa 23:4 - Ṯarifiṯ 2020

⁴ Inna-asen Bilaṭus i arruyas n ȓfuqaha ḏ ȓɣaci nni: "War xas tifeɣ bu can ttuhmeṯ x uṯarras-a."

Luqa 23:4 Kruisverwysings

Matta 27:19

Wami iqqim lḥakem Bilaṭus x ȓkursi n ȓeḥkam, ṯessekk-d ɣares ṯemɣarṯ nnes ṯenna-as: "Tarek-as i uryaz-a iṣfan ȓaḥeqqac ƹeddbeɣ aṭṭas ǧiȓeṯ-a ḏi ṯirjiṯ x ssabab nnes."

Marqus 15:14

Inna-asen Bilaṭus: "Mayemmi? Man ljarima ig igga wanita?" Walakin arennin snekkaren ṯɣuyyeṯ s jjheḏ qqaren: "Ṣelleb-iṯ!"

Luqa 23:22

Issiweȓ akiḏsen wis ṯeȓt-marraṯ inna-asen: "Mayemmi? Man ljarima ig igga wanita? Nec war ḏayes ufiɣ bu can ttuhmeṯ iy xef ɣa isḏaheǧ ȓmewṯ. Nec aḏas uceɣ aƹmuḏ aḏas d ḍeȓqeɣ."

Yuḥanna 18:38

Inna-as Bilaṭus: "Iwa min ṯeƹna lḥaqiqa-ya?" Wami inna ammu, iffeɣ ƹaweḏ ɣar israʼiliyen inna-asen: "War ḏayes ufiɣ bu ttuhmeṯ.

Ȓexḏayem 25:25

Nec war xas ufiɣ bu can ȓḥajeṯ isḏaheǧ xas ȓmewṯ. Wami istanef ddaƹweṯ nnes ɣar lmalik Qayṣar, xseɣ aɣares ṯ ssekkeɣ.

Ȓexḏayem 3:13

Lla, ḏ Arebbi n ȓejḏuḏ nneɣ iƹni Arebbi n Brahim ḏ Arebbi n Isḥaq ḏ Arebbi n Yaƹqub. Liʼanna ḏ netta iy d isbeyynen lƹaḍama nnes ḏeg uxeddam nnes Ƹisa. Walakin ḏ kenniw iy ṯ isellmen i lḥukkam ṯenkarem-ṯ zzaṯ i Bilaṭus wami tuɣa irezzu aḏas iḍȓeq.

Iƹibraniyen 7:26

Cuf, ijjen n ȓefqi ameqqran am wanita ḏ netta iy neḥḏaj. Netta ƹaḍim, bȓa ȓƹib, iṣfa, ineƹzeȓ zeg yiwḏan iy ggin ȓmuƹṣiyeṯ, itwasemɣar yuƹȓa x ijennaṯen.

1 Buṭrus 1:19

Lla, issufeɣ-ikenniw-d s iḏammen nni iy iɣȓan s waṭṭas n Lmasiḥ iƹni Izmar nni iǧan bȓa ȓƹib bȓa ȓewsex.

1 Buṭrus 2:22

Netta war iggi uȓa ḏ ijjen n ȓmuƹṣiyeṯ, war ḏas d ikki uȓa ḏ ij uxarriq zeg uqemmum nnes.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.