27 Ḏfaren-ṯ aṭṭas n ȓɣaci, ṯimɣarin ḥeznent trunt xas.
Netṣuḍ ḏi ṯemja, war ṯecḍiḥem ca. Netƹezza-kenniw, war ṯetrum ca.
Ḏinni aṭṭas n ṯemɣarin xezzarent-id zi ȓeggwaj. Niṯenti tuɣa ḏfarent-ṯ, tsexxarent xas wami tuɣaṯ iǧa ḏi ṯmurṯ n Ljalil.
Ḏinni can n ṯemɣarin xezzarent-id zi ȓeggwaj, ḏaysent Maryam ṯamagdaliṯ, ḏ Salumi, ḏ Maryam yemmas n Yaƹqub amezyan ḏ Yusis.
Ineqȓeb-d ɣarsent Ƹisa inna-asent: "Ay yessis n Lquds war xafi trunt ca, runt x yixef nkent ḏ ṯarwa nkent.
Ṯimɣarin nni iy d yusin ak Ƹisa zi Ljalil ḏfarent Yusef ɣar unḍeȓ ẓrint-ṯ ḏ mamc ḏayes inḍeȓ ddat nnes.
ḏ can ṯemɣarin isgenfa-ṯent zi jnun ḏ ȓehȓacaṯ. Niṯenti ḏ Maryam umi qqaren ṯamagdaliṯ iy zi ffɣen sebƹa n jnun,
Marra trun xas tƹezzan. Inna-asen Ƹisa: "War xas trum ca. Aqa ṯaḥenjirṯ-a war ṯemmuṯ ca, ṯeṭṭeṣ waha!"
Aqa tesȓam ȓḥaqq: Kenniw aḏ trum aḏ tḥeznem, walakin ddunect-a aḏ tfareḥ. Kenniw aḏaywem yiȓi ȓeḥȓiq, walakin ȓeḥȓiq nwem aḏ iḏweȓ ḏ ȓefraḥeṯ.
