Luqa 21:8 - Ṯarifiṯ 2020

⁸ Inna-asen: "Ḥḍam ixef nwem ḥima war kenniw ixeddeƹ ḥadd. Aṭṭas iy d ɣa yasen s yisem inu zaƹma aḏ inin qa nec ḏ Lmasiḥ! Ƹaweḏ aḏawem inin qa ȓweqṯ ṯuweḍ-d! Walakin kenniw itxeṣṣa war ṯen teḏfirem ca.

Luqa 21:8 Kruisverwysings

Matta 24:11

Aḏ d meḍharen aṭṭas n yiwḏan aḏ arren ixef nsen ḏ lʼanbiya, aḏ xeḏƹen aṭṭas n yiwḏan.

Matta 3:2

Iqqar-asen: "Tubem, aqa yuḏes-d ȓmulk n ujenna."

Matta 4:17

Zi ssenni ibḏa Ƹisa itbeccar iqqar-asen: "Tubeṯ, aqa yuḏes-d ȓmulk n ujenna."

Luqa 17:23

Aḏawem inin yiwḏan aqaṯ ḏa niɣ aqaṯ ḏiha! Walakin war ḏinni triḥem ca, war ṯen tḏeffarem ca.

Luqa 21:7

Sseqsan-ṯ nnan-as: "A Lmuƹallim, meȓmi ɣa iwqeƹ manaya? Min ṯeƹna lƹalama nni xmi ƹȓayen ɣa weqƹent ṯmesȓayin-a?"

Luqa 21:9

Xmi ɣa ṯesȓam x lḥuȓub ḏ lfitnaṯ war teggwḏem ca minzi ṯimesȓayin nni labud aḏ weqƹent ḏ amezwaru. Walakin ddunect-a ƹaḏ war ṯfenni ca."

Yuḥanna 5:43

Nec usiɣ-d ḏeg yisem n Baba, kenniw war ḏayi ṯeqbiȓem ca. Walakin, meȓa yusa-d can yijjen nneɣni ɣarwem ḏeg yisem nnes nniṯ waha aṯ ṯqebȓem.

Yuḥanna 8:24

Nniɣ-awem aḏ temmṯem ḏi ȓmuƹṣiyaṯ nwem. Aḏ temmṯem ḏi ȓmuƹṣiyaṯ nwem iƹni meȓa kenniw war ṯuminem ca belli ḏ nec ig iǧan."

Yuḥanna 8:28

X manaya inna-asen Ƹisa: "Axmi ɣa ṯesbeddem Mmis n bnaḏem ḏeg ujenna, aḏ tessnem belli ḏ nec ig iǧan. War teggeɣ ca zi ɣari; Lla, nec ssawaȓeɣ x mammec ḏayi iseȓmaḏ Baba.

1 Ayṯ-Kurinṯ 6:9

Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

Ayṯ-Ufasus 5:6

War tejjaṯ can ḥadd akenniw icmeṯ s wawaȓen nnes ixwan. Liʼanna x ssabab n ṯmesȓayin-a iy d ihewwa uɣḍab n Arebbi x yinni iy ṯ iƹeṣṣan.

2 Ayṯ-Salunik 2:3

Lla, war tejjam ḥadd akenniw icmeṯ s walu. Ataf war izemmar Yum nni aḏ d yas qbeȓ ma aḏ semḥen aṭṭas aṭṭas n yiwḏan ḏ amezwaru ḏi Arebbi aḏ d imeḍhar lmesxuṭ mmis n ȓefna.

2 Timutawus 3:13

Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

2 Yuḥanna 1:7

Aqa aṭṭas n iṯarrasen niṯni ḏ iɣeddaren ffɣen-d ɣar ddunect-a, nekkaren belli Ƹisa Lmasiḥ imeḍhar-d s ddat n bnaḏem. Aṯarras-a iy iǧan ammu netta ḏ aɣeddar waha ḏ ddejjal iy iǧa.

Lwaḥi 1:3

Ssaƹḏ n wenni iy ɣa iɣaren awaȓen n lwaḥi-ya. Ssaƹḏ n yinni ƹaweḏ iy ɣa iṣennṭen i min yurin ḏi Lkitab-a azzayes ggen array ȓaḥeqqac ȓweqṯ ṯqarreb-d.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.