Luqa 21:34 - Ṯarifiṯ 2020

³⁴ Ma ṯexsem aḏ teccem uȓ nwem? Ḥḍaṯ ixef nwem zi lmaddla n ssekra ḏ waṭṭas n ccreb ḏ ȓehmum n ddunect-a. Qa aḏ d yas Nhar nni aneggaru ƹlaɣafla am yijjen n ṯexcefṯ.

Luqa 21:34 Kruisverwysings

Matta 13:22

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

Marqus 13:9

Ḥḍam ixef nwem! Akenniw sellmen i lmaḥkamaṯ, akenniw uwṯen ḏi ṯemziḏawin nsen. Aḏ tbeddem zzaṯ i lḥukkam ḏ izeǧiḏen ƹlaḥsab isem inu ḥima axafi ṯcehḏem.

Marqus 4:19

ḏaysen amnus n ddunect, icemmeṯ-iṯen ṭṭmaƹ n wagȓa, ḏaysen ccehawaṯ n ṯmesȓayin nneɣni, ssenni itwajeyyef wawaȓ n Arebbi war ineffeƹ ca.

Luqa 10:41

Inna-as Siḏiṯneɣ: "A Marṯa a Marṯa, bnaḏem iteḥḏaja ɣir ijjen n ȓḥajeṯ. Cem ḏayem amnus txeyyaqeḏ x waṭṭas n ṯmesȓayin, Maryam ṯixḍar min iṣebḥan war ḏas itwakkes ca."

Luqa 12:40

Swejḏem ixef nwem minzi Mmis n bnaḏem aḏ d yas ḏeg yijjen n ṯsaƹƹat war ṯ trijim ca."

Luqa 17:3

Ḥḍam ixef nwem. Meȓa ixḍa akiḏec umac nha-ṯ. Meȓa indem sameḥ-as.

Luqa 21:35

Nhar nni aḏ iṭṭef marra yinni iǧan x ṯmurṯ.

Luqa 21:8

Inna-asen: "Ḥḍam ixef nwem ḥima war kenniw ixeddeƹ ḥadd. Aṭṭas iy d ɣa yasen s yisem inu zaƹma aḏ inin qa nec ḏ Lmasiḥ! Ƹaweḏ aḏawem inin qa ȓweqṯ ṯuweḍ-d! Walakin kenniw itxeṣṣa war ṯen teḏfirem ca.

Luqa 8:14

Zzarriƹeṯ nni ig iwḍan jar isennanen nettaṯ am yiwḏan iy tesȓan i wawaȓ n Arebbi, walakin ḏeɣya temjeyyafen s umnus ḏ wagȓa ḏ ccehawaṯ n ddunect-a war neffƹen ca.

1 Ayṯ-Kurinṯ 5:11

Lla, walakin ȓexxu nec uriɣ-awem-d bac war tƹacarem ca ȓmumen wenni iqqaren qa nec ḏ umac walakin netta itegg lfasad niɣ ḏ aḍemmaƹ niɣ iƹebbeḏ lʼaṣnam niɣ iqqar ȓbaṭeȓ niɣ isess aṭṭas n ccreb niɣ ḏ aɣeccac. Ijjen am wanita, war tettem ca akiḏes qaƹ.

1 Ayṯ-Kurinṯ 6:10

ḏ iceffaren, ḏ iḍemmaƹen, ḏ yinni isessen aṭṭas n ccreb, ḏ yinni iqqaren ȓbaṭeȓ, ḏ iɣeccacen war twaraṯen ca ȓmulk n Arebbi.

Ayṯ-Galaṭya 5:20

ḏ lƹibada n lʼaṣnam ḏ ssḥur ḏ lƹadawa ḏ umenɣi ḏ lɣira ḏ uɣḍab ḏ lʼananiya ḏ lxilafaṯ ḏ lʼaḥzab,

Ayṯ-Filippas 4:6

War kessim bu umnus x walu. S ṯẓaǧiṯ nwem ḏ dduƹaʼ nwem akiḏsen ccuker nwem aḏ tqeddmem marra ṯimesȓayin s ṭṭalabaṯ nwem i Arebbi.

Iƹibraniyen 12:15

Arrem-d ȓbaȓ nwem bac war itɣimi ḥadd war ixeṭṭeȓ ɣar arḍa n Arebbi, niɣ ƹaweḏ war iɣemmi can n uẓwar ḏ amerzag aḏ igg lmacakil aḏ iḍeyyeƹ aṭṭas n yiwḏan.

2 Buṭrus 3:10

Walakin Yum n Siḏiṯneɣ aḏ d yas am d yusa ijjen n uceffar. Uca ijennaṯen aḏ weddaren s yijjen n ssdaƹ ḏ ameqqran igga am ṯmessi isḥarraqen, ḏ marra iṯran ḏ ṯziri aḏ twascemḍen aḏ ftuttsen, aḏ texȓa ṯmurṯ-a ḏ marra min ḏayes itwaggen.

2 Buṭrus 3:14

X manaya ay imƹizzen inu, xmi ɣa ṯrajam kenniw i ṯmesȓayin-a ggeṯ lmejhud nwem bac akenniw yaf akiḏes ḏi ȓehna bȓa ȓewsex bȓa ȓƹib.

Lwaḥi 3:3

Ƹqeȓ x ttaƹlim iy ṯqebȓeḏ wami ḏas ṯesȓiḏ. Xḏem zzayes, tub. Meȓa war ṯeǧiḏ ca ƹlabal, nec aɣarek d aseɣ am yij uceffar war ṯessineḏ ca man ṯsaƹƹat iy d ɣa aseɣ.