Luqa 21:10 - Ṯarifiṯ 2020

¹⁰ Inna-asen: "Dduwla aḏ tehjem x dduwla, lmemlaka aḏ tehjem x lmemlaka.

Luqa 21:10 Kruisverwysings

Marqus 13:8

Dduwla aḏ tehjem x dduwla, lmemlaka aḏ tehjem x lmemlaka. Aḏ yiȓi jjuƹ aḏ iwqeƹ zzinzal ḏeg waṭṭas n imucan. Manaya aḏ yiȓi amecnaw ȓeḥriq amezwaru n ṯemɣarṯ itarwen.

Luqa 21:11

Aḏ iwqeƹ zzinzal imɣar ḏeg waṭṭas n imucan. Aḏ yiȓi jjuƹ ḏ ȓehȓacaṯ ḏ waṭṭas n ṯmesȓayin isaggwaḏen, ḏ lƹalamaṯ ḏ ṯimeqqranin ḏeg ujenna.

Luqa 21:9

Xmi ɣa ṯesȓam x lḥuȓub ḏ lfitnaṯ war teggwḏem ca minzi ṯimesȓayin nni labud aḏ weqƹent ḏ amezwaru. Walakin ddunect-a ƹaḏ war ṯfenni ca."

Ȓexḏayem 11:28

Ikkar ijjen zzaysen qqaren-as Ɣabus, ixbar i ȓmuminin ḏinni s min ḏas inna Arruḥ n Arebbi. Inna-asen qa aḏ iwqeƹ ijjen n buheyyuf ḏ ameqqran x ṯmurṯ marra (u ḏ ṣṣaḥ iwqeƹ manayenni ḏi ȓweqṯ n Lmalik Qayṣar Kludyus).

Iƹibraniyen 12:27

Awaȓ nni nnes iƹni <ƹaḏ aḏ d tas ijjen n ȓweqṯ> ataf netta issawaȓ x ca n ṯmesȓayin itenhezzan aḏ twakksent iƹni ḏ ṯimesȓayin nni iy d itwaxeȓqen bac ṯimesȓayin nni iy war itenhezzin ca ataf aḏ qqiment.