Luqa 20:26 - Ṯarifiṯ 2020

²⁶ Niṯni war zemmaren ca aḏ cemṯen Ƹisa zi can wawaȓ nnes zzaṯ i ccaƹb. Qqimen tƹejjben ḏeg ujawab nnes, war ufin ca min ɣa inin.

Luqa 20:26 Kruisverwysings

Matta 22:12

Iruḥ ɣares inna-as: Ay ameddukeȓ, mammec ṯeggiḏ ṯuḏfeḏ-d bȓa arruḍ n ȓfarḥ? Aryaz nni istuk.

Matta 22:22

Wami sȓin i ujawab nni qqimen tƹejjben ḏayes. Ssenni semḥen ḏayes uyuren.

Matta 22:34

Kkaren ȓḥizeb n ifarrisiyen wami d arrin ȓexbar belli Ƹisa ibelleƹ aqemmum n iṣadduqiyen, ȓexddenni munen jarasen.

Matta 8:10

Wami isȓa Ƹisa i manayenni itƹejjeb aṭṭas. Inna-asen i yinni ṯ iḏfaren: "Aqa tesȓam ȓḥaqq: Yinni iǧan zi Ayṯ-Israʼil war ḏaysen ufiɣ bu lʼiman imɣar aṭṭas am wanita!

Luqa 11:54

Ḥeṭṭan-ṯ ḥima aḏ yini can wawaȓ aṯ ṭṭfen zzayes.

Luqa 13:17

Wami inna awaȓ-a, marra yinni akiḏes itmenɣan seḏḥan. Iwḏan nneɣni marra farḥen zi ȓexḏayem ṯimeqqranin ig itegg.

Luqa 20:20

Bḏan imseȓmaḏen nni n ccariƹa ḏ arruyas n ȓfuqaha ḥeṭṭan Ƹisa, rezzun aṯ ṭṭfen x can wawaȓen nnes ḥima aṯ sellmen i lḥakem ḏ ssulṭa nnes. Ruḥen ssekken-as i Ƹisa can yiwḏan sneƹmiȓen aqaṯen nican walakin niṯni ḏ ibergagen.

Ayṯ-Ruma 3:19

Fa neccin nessen belli marra min ḏayes ḏi ccariƹa n Musa tweṣṣa yinni ɣar ṯeǧa ccariƹa-ya bac uȓa ḏ ijjen war ɣares itiȓi bu lƹuder. U marra yinni iǧan ḏi ddunect-a aḏ iȓin swadday n lḥisab n Arebbi.

Titus 1:10

Liʼanna yinni iy ḏi ṯeǧa ṯɣennant aqaṯen mujudin, ssawaȓen waha niṯni ḏ iɣeddaren xaṣṣatan ḏ yinni iticcen lhimma aṭṭas i ṭṭahareṯ.