Luqa 20:10 - Ṯarifiṯ 2020

¹⁰ Wami d yuweḍ ȓweqṯ n uȓqeḍ n uḍiȓ, ikkar issekk ijjen n uxeddam nnes ɣar ixemmasen nni bac aḏas d ucen ȓḥaqq nnes n umarjeƹ n uḍiȓ. Walakin min ggin ixemmasen nni? Uwṯin-ṯ, ssekken-ṯ-id ixwa.

Luqa 20:10 Kruisverwysings

Luqa 13:34

Ya Lquds, ya Lquds! Ḏ cem ig ineqqen lʼanbiya, ḏ cem ig irejjmen yinni ɣarem d issekk Arebbi! Nec mecḥaȓ n ṯwaȓaṯin xseɣ aḏ smuneɣ ṯarwa nnem am can ṯyaziṭ iteḥbubuḍen x ifiǧusen nnes walakin kenniw ṯugim.

Luqa 20:11

Iruḥ issekk-asen ijjen n uxeddam nneɣni, walakin uȓa ḏ wenni uwṯin-ṯ ƹedden xas ssekken-ṯ-id ixwa.

Luqa 20:9

Ibḏa Ƹisa issawaȓ ak ccaƹb s ȓmaƹna-ya ṯanita inna-asen: "Ijjen n ssiyyed iẓẓu aḍiȓ ḏeg yijjen n umarjeƹ nnes, ijja ḏayes ixemmasen ṣafi iruḥ isafar aṭṭas n ȓweqṯ.

Yuḥanna 15:16

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

Ayṯ-Ruma 7:4

Ay ayṯma, amenni iy ṯeǧam uȓa ḏ kenniw. Iƹni twafekkem zi ccariƹa n Musa wami ṯemmuṯ ddat n Lmasiḥ, aqawem x yiri n yijjen nneɣni netta ḏ yiri n Lmasiḥ iy d ikkaren zi ȓmewṯ, ḥima a narew ȓexḏayem ḏ ṯiṣebḥanin i Arebbi.