Luqa 2:25 - Ṯarifiṯ 2020

²⁵ Tuɣa ḏinni ḏi ṯendint n Lquds ijjen n bnaḏem qqaren-as Cimƹun. Iggur nican, iteggweḏ Arebbi, itraja Ayṯ-Israʼil aḏ nejmen, Arruḥ iqeddsen aqaṯ xas.

Luqa 2:25 Kruisverwysings

Marqus 15:43

yusa-d ijjen n uryaz qqaren-as Yusef, zi dcar n Arimatya. Netta ḏ ijjen n uryaz muhim jar Jmaƹṯ n lḥukkam n Ayṯ-Israʼil, itreḥḥab ƹaweḏ zi ȓmulk n Arebbi. Izƹem yuḏef ɣar lḥakem Bilaṭus ittar-as ddat n Ƹisa.

Luqa 1:41

Wami ṯesȓa Ilizabet i sȓam n Maryam, inhezz useymi nni ḏeg uƹeddis nnes, nettaṯ ṯeccur s Arruḥ iqeddsen.

Luqa 1:6

Zakariya ḏ Ilizabet niṯni gguren nican ak Arebbi, uȓ nsen ḏ acemȓaȓ. Teggen marra min yumar ḏ marra min iweṣṣa Siḏi Arebbi.

Luqa 1:67

Zakariya babas n Yaḥya, iccur s Arruḥ iqeddsen, issiweȓ s min iƹȓem zi Arebbi inna:

Luqa 2:38

Ḏi ȓweqṯ nni ṯusa-d ṯḥemmeḏ Arebbi ṯessiweȓ x uḥenjir nni ak marra yinni itrajan nhar nni ḏi ɣa ifekk Arebbi Lquds.

Luqa 23:51

War iqbiȓ ca minxef ṯtafeq jmaƹṯ nni ḏ min ṯxeddem. Netta zeg ubilaj n Arimatya iy iǧan ḏi ṯmurṯ n Yahuḏiya. Itreḥḥab ƹaweḏ zi ȓmulk n Arebbi.

Ȓexḏayem 10:2

Ḏayes ddin iteggweḏ Arebbi, netta ḏ marra ayṯbab n ṯeddarṯ nnes. Itegg ȓxir aṭṭas ḏeg yinni iḥḏajen, war ixeṭṭi ca ṯẓaǧiṯ nnes.

Ȓexḏayem 10:22

Nnan-as: "Qa neccin issekk-aneɣ-d Kurninyus ijjen n uƹaskari ḏ ameqqran n arrumanus. Netta ḏ ijjen n uryaz nican iteggweḏ Arebbi, tweqqaren-ṯ marra ȓqum n Ayṯ-Israʼil. Inna-as ijjen n lmalak n Arebbi: Sekk ɣar Buṭrus, aḏ d yas ɣar ṯeddarṯ nnec aḏas ṯṣennṭeḏ min ḏac ɣa yini."

Ȓexḏayem 2:5

Ḏinni can iryazen zi Ayṯ-Israʼil teggwḏen Arebbi tzuran ɣar Lquds, niṯni zi marra ṯimura n ddunect-a.

Ȓexḏayem 24:16

Falihaḏa teggeɣ marra jjheḏ inu bac aḏ ƹiceɣ s yijjen n ḍḍamir mertaḥ zzaṯ i Arebbi ḏ yiwḏan.

2 Buṭrus 1:21

Liʼanna awaȓen n lʼanbiya tuɣa ƹemmarṣ war teffiɣen ca zi lʼafkar nsen; Lla, niṯni ssawaȓen zi min ḏasen d itasen zi Arebbi mamc iy xasen d ihewwa Arruḥ iqeddsen.