Luqa 2:14 - Ṯarifiṯ 2020

¹⁴ "Lƹaḍama i Arebbi Yuƹȓan, ḏ ȓehna n yinni ḏi ṯmurṯ mixef irḍa."

Luqa 2:14 Kruisverwysings

Matta 21:9

Yinni igguren zzaṯes ḏ yinni iy ṯ iḏeffaren qqaren: "Lƹaḍama i Mmis n Ayṯ-Dawed! Ssaƹḏ n wenni iy d yusin ƹlaḥsab isem n Siḏi Arebbi. Lḥamdu i Arebbi yuƹȓan."

Luqa 1:79

Ḥima aḏ yuc ṯfawṯ i yinni itƹicen ḏi ṯaǧesṯ ḏi ṯiȓi n ȓmewṯ, ḥima aḏaneɣ isuyur iḍaren nneɣ ɣar ubriḏ n ȓehna."

Luqa 19:38

Qqaren: "Ssaƹḏ n uzeǧiḏ iy d yusin ƹlaḥsab isem n Siḏi Arebbi. Ȓehna ḏeg ujenna, lḥamdu i Arebbi yuƹȓan!"

Luqa 2:13

Ƹlaɣafla meḍharen-d ak lmalaʼika nni aṭṭas n imezḏaɣ n ujenna ḥemmḏen Arebbi qqaren:

Luqa 2:15

Wami ruḥent lmalaʼikaṯ nni ƹeqbent ɣar ujenna, ssiwȓen imeksawen nni jarasen nnan: "Yallahet a nraḥeṯ ɣar Bayt Laḥm a nẓer manaya ig iweqƹen min xaneɣ issiweȓ Siḏi Arebbi."

Luqa 3:22

ihwa-d Arruḥ iqeddsen ḏi ṣṣifeṯ n ṯeḏbirṯ yarsa-d x Ƹisa. Ḏ ijjen n ṯmijja zeg ujenna ṯeqqar-as qa cek ḏ Memmi iƹizzen, nec farrḥeɣ zzayek.

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Yuḥanna 17:4

Nec semɣareɣ-c ḏa ḏi ṯmurṯ, kemmȓeɣ ȓxeḏmeṯ iy ḏayi ṯuciḏ.

Yuḥanna 3:16

Wami iḥibb Arebbi ddunect-a, ihḏa-yas Mmis aweḥḏani ḥima wenni zzayes ɣa yamnen war ifenni ca aɣares ṯiȓi ṯuḏarṯ n ȓebda.

Ȓexḏayem 10:36

Ṯessnem Arebbi issekk-d awaȓ nnes ɣar Ayṯ-Israʼil itbeccar-iṯen s Lʼinjil n ȓehna s Ƹisa Lmasiḥ, netta ḏ Siḏiṯneɣ n marra iwḏan.

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

Ayṯ-Ufasus 1:6

Aḏ itwabarek arḍa nnes imɣaren, ifareɣ-iṯ-iḏ xaneɣ Arebbi s Mmis iƹizzen.

Ayṯ-Ufasus 1:9

U ƹlaḥsab lɣaraḍ nnes ig igga ḏi Lmasiḥ isbeyyen-aneɣ-d ȓmaƹna inuffaren n ȓxaḍar nnes.

Ayṯ-Ufasus 2:4

Walakin Arebbi s ȓemḥibbeṯ nnes iy igga i neccin ḏ arraḥmeṯ nnes ṯameqqrant aṭṭas, min ḏaneɣ igga netta?

Ayṯ-Ufasus 2:7

Mayemmi? Ḥima Siḏi Arebbi ḏi zmanaṯ iy d ɣa yasen aḏ d ismeḍhar agȓa nnes iƹni arḍa nnes mecḥaȓ ig iǧa ḏ ameqqran bȓa ȓeqyas iy ḏaneɣ d isbeyyen ḏi Ƹisa Lmasiḥ.

Ayṯ-Filippas 2:11

Aḏ iƹtaref kuȓ yiȓes aḏ yini x Ƹisa Lmasiḥ qa netta ḏ Siḏiṯneɣ azzayes isemɣar Arebbi Babaṯneɣ.

Ayṯ-Filippas 2:13

Minzi ḏ Arebbi ig isxeddamen array nwem ḏ ȓexḏayem nwem bac aḏ teggem lɣaraḍ nnes ḏ aṣebḥan.

Ayṯ-Kulus 1:20

Ṯumma isemṣȓaḥ Arebbi qaƹ ṯimesȓayin i yixef nnes ig iǧan ḏi ṯmurṯ niɣ ḏeg ujenna iƹni igga ȓehna s iḏammen n Mmis iy yuzzȓen x ṣṣalib.

2 Ayṯ-Salunik 2:16

Siḏiṯneɣ Ƹisa s yixef nnes u ƹaweḏ Arebbi Babaṯneɣ wenni iy ḏaneɣ yucin s arḍa nnes ijjen n ucejjaƹ war ifennin ca ƹemmarṣ ḏ ijjen n lʼamal iṣbaḥ, ataf akenniw icejjeƹ s wuȓawen nwem aṯen isejheḏ ƹlaḥsab ḏi kuȓ ȓxeḏmeṯ ḏ kuȓ awaȓ aṣebḥan.

Lwaḥi 5:13

Ṯumma sȓiɣ i kuȓ lmexluq iǧan ḏeg ujenna ḏ ṯmurṯ ḏ swadday i ṯmurṯ ḏ ȓebḥar ḏ marra min ḏaysen qqaren-asen i wenni iqqimen x lƹarc uȓa ḏ Yizmar: "Aɣarwem yiȓi lḥamed ḏ uweqqar ḏ lƹaḍama ḏ ȓeḥkam i ȓebda n ȓebdaṯ!"