Luqa 18:22 - Ṯarifiṯ 2020

²² Ƹisa wami isȓa i wawaȓ nnes inna-as: "Qa ṯeqqim-ac ijjen n ȓḥajeṯ war t ṯeggiḏ ca. Ruḥ zenz marra min ɣarek ḏ agȓa ṣeddeq-iṯ x ȓmusakin. Ssenni aɣarek yiȓi ȓkenz ḏeg ujenna, ȓexddenni araḥ-d cek ḏfar-ayi-d."

Luqa 18:22 Kruisverwysings

Matta 19:21

Inna-as Ƹisa: "Meȓa ṯexseḏ aḏ teggeḏ kuȓci nican, ruḥ zenz marra min ɣarek ḏ agȓa ṣeddeq-iṯ x ȓmusakin. Ssenni aɣarek yiȓi ijjen n ȓkenz ḏeg ujenna, ȓexddenni araḥ-d cek ḏfar-ayi-d."

Luqa 12:33

Zenzeṯ agȓa nwem, ṣeddqem-ṯ. Ggeṯ ṯicemmusin n tmenyaṯ iy war ifennin ca niṯenti ḏ ijjen n ȓkenz ḏeg ujenna war iqeṭṭin ca. War itqarrib ca ḏinni uceffar, ṯikeccawin war ṯ tettent ca.

Luqa 16:9

Nec aḏawem iniɣ: Ggem imeddukaȓ zi ȓewsex n ddunect-a. Ataf xmi ɣa itwaqḍa aḏ twaqebȓem ḏi ṯuḏrin n ȓebda.

Luqa 18:21

Inna-as uryaz nni: "Zeg wami iy ǧiɣ nec ḏ amezyan tweqqareɣ qaƹ manaya."

Luqa 18:23

Wami isȓa i manayenni ixeyyeq aṭṭas ȓaḥeqqac ɣares aṭṭas n wagȓa.

Luqa 9:23

Ṯumma inna-asen i marra iwḏan nni: "Wenni ixsen aḏayi iḏfar nec, labud aḏ ismeḥ ḏeg yixef nnes, labud kuȓ nhar aḏ ikessi ṣṣalib nnes minxef ɣa iƹeddeb aḏayi iḏfar.

Ayṯ-Filippas 3:13

Ay ayṯma, war ḥessbeɣ ca ṣafi ṭṭfeɣ qaƹ ṯimesȓayin nni. Walakin ḏinni ijjen n ṯmesȓayṯ teggeɣ-t: Tettuɣ min iteƹqaben ɣar ḏeffar, teggeɣ lmejhud inu ɣar min d igguren ɣar zzaṯ.

2 Buṭrus 3:8

Ay imƹizzen inu, war tettuṯ ca ṯamesȓayṯ-a: Siḏiṯneɣ iḥesseb ijjen n nhar am waȓaf n iseggwusa, iḥesseb aȓaf n iseggwusa am yijjen n nhar.