Luqa 18:19 - Ṯarifiṯ 2020

¹⁹ Yarra xas Ƹisa inna-as: "Mayemmi ṯeqqareḏ qa nec ḏ aṣebḥan? War iǧi ḥadd ḏ aṣebḥan illa Arebbi waḥḏes.

Luqa 18:19 Kruisverwysings

Luqa 1:35

Indeq-d lmalak nni inna-as: "Axam d ihwa Arruḥ iqeddsen ḏ jjheḏ n Wenni Yuƹȓan axam yarr ṯiȓi. S manayenni aḥenjir iqeddsen iy ɣa d ṯejjeḏ ataf tȓaɣan-as a Mmis n Arebbi.

Luqa 11:13

Meȓa kenniw ḏ iƹeffanen ṯessnem aḏ tucem i ṯarwa nwem min iǧan ḏ aṣebḥan, ataf Babaṯwem ig iǧan ḏeg ujenna itegg ktar, iƹni iticc Arruḥ iqeddsen i yinni ḏas ṯ itettaren."

Luqa 18:18

Isseqsa-ṯ ijjen zi lḥukkam n Ayṯ-Israʼil inna-as: "A Lmuƹallim aṣebḥan, min ɣa ggeɣ ḥima aɣari ṯiȓi ṯuḏarṯ n ȓebda?"

Luqa 18:20

Ṯessneḏ ȓuṣiyaṯ: War zenna, war neqq, war tacar, war cehheḏ bu ẓẓur, weqqar babac ḏ yemmac."

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

Iƹibraniyen 7:26

Cuf, ijjen n ȓefqi ameqqran am wanita ḏ netta iy neḥḏaj. Netta ƹaḍim, bȓa ȓƹib, iṣfa, ineƹzeȓ zeg yiwḏan iy ggin ȓmuƹṣiyeṯ, itwasemɣar yuƹȓa x ijennaṯen.

Yaƹqub 1:17

Marra ṯimuca ṯiṣebḥanin ḏ lhadiyaṯ ikemȓen tekkent-id zeg ujenna, tasent-id zi Arebbi Babas n nnur. Netta war itbeddiȓ ca am ṯiȓi nni ig igguren.